ရန်ကုန်၊ ဧပြီ ၁၀
ပြည်ပရောက် မြန်မာများကို ခြိမ်းခြောက်စာထုတ်ပြန်သည့် ထိုင်းနိုင်ငံ၊ ဘန် ကောက်ရှိ မြန်မာသံရုံးရှေ့တွင် ယနေ့ နံနက်ပိုင်း စစ်အာဏာရှင် ဆန့်ကျင်ရေး စာများကပ်ပြီး မင်းအောင်လှိုင်နှင့်အကြမ်းဖက်စစ်တပ် ဆန့်ကျင်ရေး လှုပ်ရှားကြ ကြောင်း သိရှိရသည်။
” မြန်မာသံရုံးရှေ့မှာစာရွက်ကပ်လာတယ်။အဓိက လှုပ်ရှားမှုက ငါတို့ချွေးနဲ့ ငါတို့ရတဲ့ငွေ မင်းတို့သံရုံးအမိန့်နဲ့တားမြစ်လို့ မရဘူးဆိုတာသိစေဖို့ပဲ” ဟု စာကပ်ရာတွင် ပါဝင်သည့် ထိုင်းရောက် တက်ကြွလှုပ်ရှားသူတစ်ဦးက ပြောသည်။
ဘန်ကောက်ရှိ ထိုင်းနိုင်ငံဆိုင်ရာ မြန်မာသံရုံးက အမျိုးသားညီညွတ်ရေးအစိုးရ အပါအဝင် နွေဦးတော်လှန်ရေးအဖွဲ့များနှင့်မပတ်သက်ရန် ၊ ပတ်သက်ပါက ဥပဒေနှင့်ငြိစွန်းကြောင်း ဧပြီလ ၈ ရက်နေ့ တွင် ပြည်ပရောက် မြန်မာများကို ခြိမ်းခြောက်စာ ထုတ်ပြန်ခဲ့သည်။
