By ရန်ကုန်ခေတ်သစ်
ဒီကနေ့ မေ ၅ ရက် မနက်ပိုင်း ရရှိထားတဲ့သတင်းတွေကတော့
-တိုင်းရင်းသားတော်လှန်ရေးတပ်ဖွဲ့ ERO တွေနဲ့ အမျိုးသားညီညွတ်ရေးအစိုးရ NUG လက်အောက်ခံ PDF တွေဆီမှာ CDM ပြုလုပ် အယောင်ဆောင်သူလျှိုလုပ်တဲ့ စစ်ကောင်စီဘက်တော်သား ၃ ဦးကို ဖော်ထုတ်နိုင်ပြီး ဖမ်းဆီးထိန်း သိမ်းထားတယ်လို့ ကာကွယ်ရေးဝန်ကြီး ဦးရည်မွန်က ရန်ကုန်ခေတ်သစ် သတင်းဌာနကို ပြောပါတယ်။
– စစ်ကိုင်းတိုင်း ကနီမြို့နယ်မှာ မေလ ၄ရက်နေ့ မွန်းလွဲပိုင်းမှာ အကြမ်းဖက်စစ်တပ်နဲ့ ရဲတွေက ဝင်မနား ရဲစခန်းရှိဝန်ထမ်းလိုင်းခန်းတွေကို မီးရှို့ကာ ထွက်ပြေးသွားတယ်လို့ ဒေသခံပြည်သူများက ရန်ကုန် ခေတ်သစ် မီဒီယာသို့ ပြောဆိုပါတယ်။
– ကချင်ပြည်နယ်၊ မိုးကောင်းမြို့နယ်မှာ ပြည်သူတွေဆီက လျှပ်စစ်ဓာတ်အားခနဲ့ စိုက်ဘဏ်ချေးငွေ တွေကို စစ်ကောင်စီက မကောက်ခံဖို့ KIA က သတိပေးချက်ထုတ်ပြန်လိုက်ပါတယ်။
ချင်းပြည်နယ်၊ မင်းတပ်မြို့နယ်သို့ လာရောက်ကြိုးစားနေတဲ့ စစ်ကောင်စီတပ်ကို CDF မင်းတပ်က လမ်းခရီးမှာ ဖြတ်တိုက်ရာမှာ စစ်တပ်ဘက်မှ ၅ ဦးသေဆုံးခဲ့တဲ့သတင်းအပါအဝင် နောက်ဆုံး ရသတင်းတွေကို တင်ဆက် ပေးပါမယ်။