By ရန်ကုန်ခေတ်သစ်
ဒီကနေ့ မေ ၅ ရက် နေ့လယ်ပိုင်း ရရှိထားတဲ့သတင်းတွေကတော့
-အမျိုးသားညီညွတ်ရေးအစိုးရ NUG နဲ့ ရခိုင့်တပ်တော် AA တို့ မကြာခင် ရက်ပိုင်းမှာ တွေ့ဆုံဆွေးနွေးဖို့ မျှော်လင့်တယ်လို့ NUG ကာကွယ်ရေးဝန်ကြီး ဦးရည်မွန်က ပြောပါတယ်။
-ကရင်နီ-ပြည်နယ်၊ ဒီးမောဆိုမြို့နယ်၊ ဒေါငံခါးကျေးရွာမှာ အကြမ်းဖက်စစ်ကောင်စီတပ် နဲ့ ကရင်နီ ပူးပေါင်း တပ်ဖွဲ့များကြား ဧပြီလ ၃၀ ရက်နေ့မှာ တိုက်ပွဲပြင်းထန်ခဲ့ပြီး ပျောက်ဆုံးနေတဲ့ ဒီးမောဆို PDF တပ်ရင်း A က ရဲဘော် ဇော်ဝင်းထွဋ် ကို မေလ ၄ ရက် ညနေပိုင်းမှာ ပြင်းထန် ဒဏ်ရာတွေနဲ့ ပြန်လည် တွေ့ရှိခဲ့တယ်လို့ ဒီးမော့ဆို PDF က သတင်းထုတ်ပြန်ထားပါတယ်။
– ကရင်ပြည်နယ်၊ သံတောင်ရဲစခန်းက ရဲတပ်ကြပ် စိုးမင်းထိုက် အပါအဝင် ရဲ ၂ ဦး ဒီကနေ့ မနက် ၈ နာရီဝန်းကျင်လောက်မှာ ပစ်ခတ်ခံရပြီး သေဆုံးသွားတဲ့သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
