By ရန်ကုန်ခေတ်သစ်
ဒီကနေ့ မေ ၅ ရက် ညနေပိုင်း ရရှိထားတဲ့သတင်းတွေကတော့
– စစ်ကိုင်းတိုင်း မုံရွာ-ယာကြီး-ကလေးဝ လမ်းပိုင်းမှာ Ooredoo ဆက်သွယ်ရေး ကုမ္ပဏီကားဟာ ဒေသခံ ကာကွယ်ရေး တပ်ဖွဲ့တွေ ထုတ်ပြန်ချက်ကို လိုက်နာခြင်း မရှိတဲ့အတွက် ဖမ်းဆီးပြီး ယာဉ်ပေါ်ပါလာတဲ့ ဆီပေပါ ၄လုံး နဲ့ ကားကို သိမ်းဆည်းခဲ့တယ်လို့ ချိုမိုင်မိုင် ယင်းမာပင်-ကနီ မဟာမိတ် တပ်ပေါင်းစု ဆီကနေသိရပါတယ်။
– ကရင်နီ ပြည်နယ်က သတင်းအနေနဲ့….ကရင်နီပြည်နယ်မှာ စစ်ကြောင်းထိုးတဲ့ ၂ လအတွင်း အကြမ်း ဖက်စစ်ကောင်စီရဲ့ တပ်မ ၆၆ လက်အောက်ခံ၊ ဗိုလ်မှူး-ခန့်လင်း ဦးဆောင်တဲ့ ခလရ ၁၁ စစ်ကြောင်း ဟာ ပြည်သူ ၁၀ ဦးနီးပါးကို အကြောင်းမဲ့ ပစ်သတ်ခဲ့တာတွေရှိတယ်လို့ တပ်သား အက်ဇ်မန်းက ပြောပါတယ်။
– စစ်ကိုင်းတိုင်း၊ မြောင်မြို့နယ်အတွင်းက မြောင်မြို့နယ်တော်လှန်ရေးတပ် MRA စခန်းကို အကြမ်းဖက် စစ်ကောင်စီတပ်က မေလ ၁ ရက်နေ့ မနက်ပိုင်းက ဝင်ရောက်စီးနင်းတဲ့အချိန် စခန်းတွင်းမှာ ထောင်ထား တဲ့ ပဒေသာမိုင်းတွေနဲ့ ပြန်လည်ဖောက်ခွဲတိုက်ခိုက်ခံရတဲ့သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
