By ရန်ကုန်ခေတ်သစ်
ဒီကနေ့ မေ ၁၀ ရက် မနက်ပိုင်း ရရှိထားတဲ့သတင်းတွေကတော့
-မင်းအောင်လှိုင်ခေါင်းဆောင်တဲ့အကြမ်းဖက်စစ်ကောင်စီက နိုင်ငံရေးတွေ့ဆုံဆွေးနွေးမှု ပြုလုပ်လိုတယ်ဆိုရင် ထိုးစစ်တွေရပ်တန့်ကာ သက်ဆိုင်ရာပါဝင်သင့်ပါဝင်ထိုက်တဲ့အစုအဖွဲ့ အားလုံး ပါဝင်ရန် လိုအပ်ပြီး စစ်ဘေး သင့်သူတွေအတွက် ကူညီထောက်ပံ့မှုတွေခွင့်ပြုရမယ်လို့ တိုင်းရင်းသား လက်နက်ကိုင်အဖွဲ့ ၃ဖွဲ့ က မေလ ၉ ရက်နေ့မှာ ပူးတွဲကြေညာချက်တစ်စောင် ထုတ်ပြန်လိုက်ပါတယ်။
– စစ်အာဏာသိမ်းပြီးနောက် နိုင်ငံတစ်ဝန်း စစ်တပ်၊ ထွေအုပ်နဲ့ရဲတွေပူးပေါင်းကာ လိုင်စင်မဲ့ကားတင် သွင်းတာ တွေ ကျယ်ကျယ်ပြန့်ပြန့်ဖြစ်ပေါ်နေတယ်လို့ ရန်ကုန်ခေတ်သစ်က စုံစမ်းသိရှိရပါတယ်။
အချည်ပေါင်းစျေးသည်ကို ငွေပေးမယ်ဆိုပြီး စစ်တပ်ထဲ ဆွဲသွင်းခံရာကနေ စစ်သားဖြစ်လာသူ တပ်သားမျိုးဝင်း က စစ်တပ်အတွင်း မူးယစ်ဆေးဝါးသုံးစွဲမှု၊ လူသတ်မှု၊ ပစ္စည်းခိုးလုယက်မှုများ ကျူးလွန်မှုများကို ကိုယ်တိုင်ကြုံရ တယ်လို့ ဖွင့်ဟဝန်ခံပါတယ်။
– စစ်ကိုင်းတိုင်း မြင်းမူမြို့နယ် ပဲကူကျေးရွာ အနီးမှာရှိတဲ့ Black Eagle Defence Force- MMU ကင်းစခန်း တစ်ခုကို အကြမ်းဖက်စစ်တပ်က မေလ ၉ ရက်နေ့မှာ ဝင်ရောက်စီးနင်းခဲ့ပြီး ပြည်သူ့ရဲဘော် ၈ ဦးကို အရှင် ဖမ်းမိခဲ့ပေမယ့် ၎င်းတို့ကိုလက်ပြန်ကြိုးတုပ်ကာ ဦးခေါင်းကို သေနတ်နဲ့တေ့ပစ်ပြီး မီးပုံရှို့သွားတဲ့ သတင်း အပါအဝင်နောက်ဆုံးရသတင်းတွေကို တင်ဆက်ပေးပါမယ်။
