ရန်ကုန်၊ ဇွန် ၇
မကွေးတိုင်း၊ မကွေးမြို့ပေါ်ရှိ ထောက်ပို့တပ်ထဲသို့ စစ်သားများလိုက်ပါသော စစ်ကား ၁၀ စီးနှင့်အထက် ယနေ့ ညနေ ၃ နာရီ ၃၀ မိနစ်တွင် ဝင်ရောက်သွားကြောင်း ဒေသခံများက ရန်ကုန်ခေတ်သစ်သတင်းဌာနထံသို့ ပြောဆိုသည်။
“အဲဒီစစ်ကားတွေက ထောက်ပို့တပ်ကိုဘယ်လိုသွားရလဲလာမေးပုံကြည့်ရတာ ဒီမြို့က စစ်သားတွေမဖြစ်နိုင်ဘူး။ရိက္ခာလာ ပို့တာတော့ဟုတ်ဘူး။ ကားက အခွံ့တွေချည်းပဲဆိုတော့ ရိက္ခာ လာသယ်တာဖြစ်နိုင်တယ်” ဟု မကွေးမြို့ခံတစ်ဦးက ပြောဆိုသည်။
မကွေးတိုင်းသည် PDF များ စိုးမိုးသော တိုင်းဒေသကြီးတစ်ခုဖြစ်ပြီး မြိုင်၊ ဂန့်ဂေါ၊ ရေစကြို၊ ပေါက်၊ ကျောက်ထု အပါအဝင် မြို့နယ် ၁၀ မြို့ထက်မနည်းတွင် စစ်ကောင်စီတပ်များနှင့် PDF များ တိုက်ပွဲများဖြစ်ပွားလျက်ရှိနေသည့် တိုင်းဒေသကြီးဖြစ်သည်။
