ရန်ကုန် ၊ ဇွန် ၉
ရွှေဘိုမြို့ တရားစီရင်ရေးဌာနမှ တရားစီရင်ရေးဝန်ထမ်း ၇ ဦးနှင့် ဥပဒေဝန် ထမ်းများကို မတရားစီရင်နေသည်များကို ရပ်တန်းက ရပ်ပြီး ပြည်သူနှင့် ပူး ပေါင်းရန်နှင့် မပူးပေါင်းပါက စစ်ကောင်စီအလိုကျ မတရားစီရင်နေသည့် တရားသူကြီးများနှင့် ဥပဒေအရာရှိများကို ရွှေဘိုမြို့နယ်လွတ်လပ်သော ထောက် ပို့ရေးအဖွဲ့မှ အဖွဲ့၏ ဥပဒေနှင့် စီရင်မည်ဟု ဇွန် ၈ ရက်နေ့တွင် ကြေ ညာချက် ထုတ်ပြန်သည်။
အကြမ်းဖက်စစ်ကောင်စီ အလိုကျ တော်လှန်ရေးရဲဘော်များ အပါအဝင် မတရားဖမ်းဆီးမှုခံရသည့် အပြစ်မဲ့ ပြည်သူများကို မတရားသော နည်းများနှင့် ပုဒ်မ အမျိုးမျိုးတပ်ကာ မတရားသော ဥပဒေများနှင့် ထောင်သွင်းအကျဉ်းချနေသည့် တရားသူကြီး ၇ ဦးမှာ ဦးကြည်မင်းစိုး (ရွှေဘိုခရိုင်တရားသူကြီး)၊ ဦးကျော်ဝေလင်း (ဒုခရိုင်တရားသူကြီး)၊ ဦးနေမျိုးထွန်း(ဒုခရိုင်တရားသူကြီး)၊ ဦးဆန်းထွန်းဦး (ဒုခရိုင်တရားသူကြီး) ၊ ဒေါ်ယမင်းသန့်(မြို့နယ်တရားသူကြီး)၊ ဒေါ်ဝင့်ဝါကျော်(တွဲဘက်မြို့နယ် တရားသူကြီး)နှင့် ဦးသက်ပိုင်မှူး (တွဲဘက်မြို့နယ် တရားသူကြီး) တို့ ဖြစ်ကြောင်း အဆိုပါ ကြေညာချက်တွင် ဖော်ပြထားသည်။
အဆိုပါ တရားသူကြီး ၇ ဦးနှင့် ဥပဒေဝန်ထမ်းများသည် ယနေ့ ကြေညာချက် ထုတ်ပြန်သည့် ဇွန် ၈ ရက်နေ့မှ စ၍ ၎င်းတို့၏ မတရားစီရင်နေမှုများကို ရပ်တန်းက ရပ်ရန် သတိပေးကြေညာခဲ့ခြင်း ဖြစ်သည်။
