By ရန်ကုန်ခေတ်သစ်
ဒီကနေ့ ဇွန် ၁၀ ရက် ညနေပိုင်း ရရှိထားတဲ့သတင်းတွေကတော့
-မင်းအောင်လှိုင် ဦးဆောင်တဲ့ အကြမ်းဖက် စစ်တပ်က ၂၀၂၁ ခုနှစ် ဖေဖော်ဝါရီလ ၁ ရက်နေ့မှာ စစ်အာဏာသိမ်း ပြီးနောက်ပိုင်း မြန်မာ့စီးပွားရေး အခြေအနေဟာ ခန့်မှန်း မရတဲ့အထိ မသေချာ မရေရာတော့ကြောင်း ကမ္ဘာ့ဘဏ်ရဲ့ ကမ္ဘာလုံးဆိုင်ရာ စီးပွားရေး သုံးသပ်မှု အစီရင်ခံစာမှာ ဖော်ပြထားပါတယ်။
– ရန်ကုန်တိုင်း၊ လှည်းကူးမြို့နယ်၊ နန္တိ-ကျေးရွာအုပ်စုက ကြံဖွတ်ပါတီဝင် ဇော်ဦး နဲ့ ပါတီဝင် ၁ ဦးကို စစ်ကောင်စီတပ်က ဗိုလ်ကြီး သက်ဇော်ထွန်း နဲ့ တပ်ကြပ်ကြီး မင်းသိန်းတို့ကနေ ဖမ်းဆီးပြီး လက်ပြန်ကြိုးတုပ် ရိုက်နှက်မှု ဖြစ်ပွားခဲ့တယ်လို့ ဒေသသတင်းရင်းမြစ် တချို့က ပြောပါတယ်။
– စစ်ကိုင်းတိုင်း၊ ထီးချိုင့်မြို့နယ်မှာ ထီးချိုင့်မြို့နယ်ရဲစခန်းက နယ်ထိန်းရဲ ကျော်ကျော်ဦးကို စစ်ကောင် စီတပ်ရဲ့ ဗိုလ်ကြီး-ထက်လွင်အောင်က ဇွန်လ ၈ ရက်နေ့မှာ သေနတ်နဲ့ ပစ်ခတ်ခဲ့တဲ့အတွက် နယ်ထိန်းရဲ ကျော်ကျော်ဦး ဒဏ်ရာရရှိပြီး ဆေးရုံတက် ကုသမှု ခံယူနေရတယ်လို့ ထီးချိုင့်သတင်းရင်းမြစ်က ပြောပါတယ်။
– မန္တလေးတိုင်း၊ ပြည်ကြီးတံခွန်မြို့နယ်၊ ဋ ရက်ကွက်၊ အပိုင်း ၇ မှာရှိတဲ့ ပြည်သူပိုင် နေအိမ်တွေကို အကြမ်းဖက် စစ်ကောင်စီတပ် နဲ့ ရဲတွေက ကျူးကျော်တွေလို့ ပြောဆိုပြီး ၊ ဒီကနေ့ မနက်ပိုင်းမှာ မြေတူးစက် ၄ စီးနဲ့ ဖျက်ဆီးနေတဲ့သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
