By ရန်ကုန်ခေတ်သစ်
ဒီကနေ့ ဇူလိုင် ၅ ရက် မနက်ပိုင်း ရရှိထားတဲ့သတင်းတွေကတော့
-မြန်မာ-ထိုင်း နယ်စပ်ရှိ ရက္ခိုင့်တပ်တော် AA တပ်စခန်းတစ်ခုအား စစ်ကောင်စီတပ်ကလေကြောင်းကနေ ဗုံးကြဲ တိုက်ခိုက်တာကြောင့် AA တပ်ဖွဲ့ဝင်အချို့ ကျဆုံး၊ ဒဏ်ရာရတာတွေရှိခဲ့တယ်လို့ AA ကထုတ်ပြန်လိုက်ပါတယ်။
– ထိုင်း-မြန်မာနယ်စပ် ၊ ကရင်ပြည်နယ်ဘက်အခြမ်းမှာ အကြမ်းဖက်စစ်ကောင်စီတပ်တွေနဲ့ KNLA ၊ PDF ၊ KNDO ပူးပေါင်းတပ်တွေအကြား တိုက်ပွဲတွေ တောက်လျှောက်ဆိုသလိုဖြစ်ပွားနေလို့ ထိုင်းစစ်တပ်က ကင်းလှည့်တာတွေ လုပ်ဆောင်နေပါတယ်။
– စစ်ကိုင်းတိုင်းပုလဲမြို့ပေါ်မှာ တပ်စွဲထားတဲ့ စစ်ကောင်စီတပ်စခန်းကို ပုလဲဒေသ ပြည်သူ့ ကာကွယ်ရေးအဖွဲ့ ပေါင်းစုံက ဝင်ရောက်တိုက်ခိုက်လို့ စစ်ကောင်စီဘက်ကအရာရှိအပါအဝင် တပ်သာတချို့သေဆုံး မှုရှိခဲ့တယ်လို့ သိရပါတယ်။
-စစ်ကိုင်းတိုင်း၊ ကနီမြို့နယ်မှာ အမျိုးသားညီညွတ်ရေးအစိုးရ NUG ရဲ့ လမ်းညွှန်ချက်နှင့်အညီ အခြေခံမီးသတ် သင်တန်း အပတ်စဉ် ၁ ကို ဧပြီလက ဖွင့်လှစ်ခဲ့ပြီး နောက်ထပ် အပတ်စဉ်များ ဆက်လက်ဆောင်ရွက်သွားဖို့ ရှိနေတဲ့ သတင်းအပါအဝင်နောက်ဆုံးရသတင်းတွေကို တင်ဆက်ပေးပါမယ်။
