ရန်ကုန်၊ ဇူလိုင် ၂၅
ကိုဖြိုးဇေယျာသော်၊ ကိုဂျင်မီ၊ ကိုလှမျိုးအောင်နှင့် ကိုအောင်သူရဇော်တို့ကို အကြမ်းဖက်စစ်တပ်က သေဒဏ်စီရင်လိုက်ခြင်းသည် ပြည်သူကို စိန်ခေါ်လိုက်ခြင်းဖြစ်သည် AA က သဘောထားကြေညာချက်ထုတ်ပြန်သည်။
အကျဉ်းသား ၄ ဦးကို သေဒဏ်စီရင်လိုက်ခြင်းကြောင့် AA နှင့်တကွ မြန်မာပြည်သူတစ်ရပ်လုံးက များစွာ ထိတ်လန့်တုန်လှုပ်မိကြောင်း၊ သေဒဏ်ကျ မိသားစုဝင်များ၊ မြန်မာပြည်သူများနှင့်အတူ များစွာ ထပ်တူ ဝမ်းနည်းခံပြင်းမိကြောင်း၊ မြန်မာ့ငြိမ်းချမ်းရေးအတွက် ရင်လေးမိသည်ဟု ထုတ်ပြန်သည်။
ထို့ပြင် အကြမ်းဖက်စစ်ကောင်စီသည် နိုင်ငံတကာနှင့်အာဆီယံက ကမက ထပြု တိုက်တွန်းနေသော ငြိမ်းချမ်းစွာ ဖြေရှင်းဆောင်ရွက်ရေး နိုင်ငံရေး အလား အလာကောင်းများကို ရင့်သီးစွာ နင်းခြေဖျက်ဆီးလိုက်ခြင်းဖြစ်ကြောင်း၊ မလုပ်သင့် မလုပ်အပ်သည်ကို သံတမန်နှင့်နိုင်ငံရေးအသိုင်းအ၀ိုင်းက မေတ္တာရပ်ခံနေသည့် ကြားမှ မိုက်မဲစွာ လုပ်ဆောင်ခြင်းဖြစ်ကြောင်း၊ ပြည်သူတစ်ရပ်လုံး၏ ဒေါ သနှင့် မခံချင်စိတ်ကို ပို၍ ဆိုးရွားစွာ နှိုးဆွ စိန်ခေါ်ခြင်းဖြစ်သည်ဟု AA က ပြောသည်။
ကိုဖြိုးဇေယျာသော်၊ ကိုဂျင်မီ၊ ကိုလှမျိုးအောင်နှင့် ကိုအောင်သူရဇော်တို့ကဲ့သို့ နွေဦးတော်လှန်ရေး အနာဂတ်သူရဲကောင်းများ ထပ်မံ မွေးဖွားလာမည်ဟု AA က အပြည့်အ၀ ယုံကြည်ကြောင်း ကြေညာချက်တွင် ရေးသားထားသည်။
