Khit Thit သတင်းဌာန၏ ဩဂုတ်၂၇ ရက် နေ့လယ်ပိုင်း ရုပ်သံသတင်းအစီအစဉ်

By ရန်ကုန်ခေတ်သစ် ဒီကနေ့ ဩဂုတ်၂၇ ရက် နေ့လယ်ပိုင်း ရရှိထားတဲ့သတင်းတွေကတော့ – စစ်ကိုင်းတိုင်း၊ ကလေးမြို့မှာ ကလေးတက္ကသိုလ်ဘက်ကနေ ဗိုလ်ချုပ်လမ်းမကြီးအတိုင်း အရှေ့ ဘက် ကို ခြေလျှင်လျှောက်လာပြီး စက်မှုဇုန်တံတားအနီးမှာ တပ်စွဲနေတဲ့ အကြမ်းဖက် စစ်ကောင်စီ တပ်သား အင်အား ၄၀ နီးပါးကို ဩဂုတ်လ ၂၆ ရက်နေ့ မနက်ပိုင်းက မိုင်းတွေ နဲ့ ဆက်တိုက် ဖောက်ခွဲ တိုက်ခိုက် ခံတယ်လို့ သိရပါတယ်။ – မန္တလေးတိုင်း၊ ဝမ်းတွင်းမြို့နယ်၊ လျှော်ပင်- ကျေးရွာအနီးမှာ ဩဂုတ်လ ၂၆ ရက်နေ့ မနက်ပိုင်းက အကြမ်းဖက် စစ်ကောင်စီယာဉ်တန်း ၊ မိုင်းခွဲတိုက်ခိုက်ခံရပြီး စစ်ကောင်စီတပ်သား ၄ ဦး သေသွား တယ်လို့ PDF အဖွဲ့တွေနဲ့ ဒေသသတင်းရင်းမြစ်က အတည်ပြုပြောဆိုပါတယ်။ – မကွေးတိုင်း ၊ ထီးလင်းမြို့ပေါ်က အကြမ်းဖက် စစ်ကောင်စီ တပ်ဖွဲ့တွေ တပ်စွဲထားတဲ့ ရဲစခန်းဝင်း နဲ့ စီးပွားရေး ဘဏ်ဝင်းကို ထီးလင်း YDF ပူးပေါင်းတပ်ဖွဲ့တွေကနေ လက်နက်ကြီးတွေနဲ့ ပစ်ခတ် တိုက်ခိုက် ခဲ့တဲ့သတင်း အပါအဝင်နောက်ဆုံးရသတင်းတွေကို တင်ဆက်ပေးပါမယ်။