32 C
Yangon

ရွှေဘို၊ ဝက်လက်နှင့် ချောင်းဦးတို့တွင် စစ်သားများ လိုက်ပါလာသည့် အိမ်စီးကားနှင့် စစ်ကားများ မိုင်းဆွဲ ပစ်ခတ် တိုက်ခိုက်ခံရပြီး ၃ ဦးထက်မနည်းသေဆုံး

Date:

ရန်ကုန်၊ စက်တင်ဘာ ၁၀

စစ်ကိုင်းတိုင်း ရွှေဘိုမြို့နယ် ကျောက်မြောင်းမြို့ ခမရ ၁၂ မှ ထွက်ခွာလာသော စစ်ကောင်စီ တပ်ဖွဲ့များ လိုက်ပါလာသည့် အိမ်စီးကား ၂ စီးကို စက်တင်ဘာလ ၉ ရက်နေ့တွင် ကာကွယ်ရေးတပ်ဖွဲ့များက ပစ်ခတ် တိုက်ခိုက်ခဲ့ပြီး ထိခိုက်သေဆုံးမှုများ ရှိနိုင်ကြောင်း ကာကွယ်ရေး တပ်ဖွဲ့များ ထံမှ သိရသည်။

အကြမ်းဖက် စစ်တပ် အိမ်စီးကား ၂ စီးကို ရွှေဘို-ကျောက်မြောင်း လမ်းပိုင်း၌ နံနက် ၉ နာရီခန့်တွင် ရွှေဘိုခရိုင်တပ်ရင်း ၅ တပ်ခွဲ ၁ နှင့် Black Wolf -PDF အဖွဲ့တို့မှ လက်နက်ငယ်များဖြင့် ဝိုင်းဝန်း ပစ်ခတ် တိုက်ခိုက် ခဲ့ခြင်းဖြစ်ပြီး အပြန်အလှန် ပစ်ခတ်မှု ဖြစ်ပွားခဲ့ကာ စစ်ကောင်စီတပ်များမှ ထိခိုက် သေဆုံးမှုများရှိနိုင်ပြီး အိမ်စီးကား ၁ စီး ကျည်ထိမှန် ပျက်စီးခဲ့ကြောင်း သိရသည်။

စစ်ကိုင်းတိုင်း ဝက်လက်မြို့နယ် အတွင်းရှိ မုဆိုးခြုံ၊ ယင်းမာကန်၊ ဖွတ်လှိုင်းရွာများကို စစ်ကြောင်းထိုးခဲ့သော အကြမ်းဖက် စစ်ကောင်စီ တပ်ဖွဲ့များ စစ်ကားများဖြင့် ပြန်လည် ဆုတ်ခွာစဥ် စက်တင်ဘာလ ၉ ရက်နေ့တွင် ရွှေဘိုခရိုင် တပ်ရင်း ၅ တပ်ခွဲ ၁ နှင့် BLACK WOLF – PDF အဖွဲ့တို့က မိုင်းဆွဲ တိုက်ခိုက်ခဲ့ပြီး စစ်သားများ ထိခိုက်မှုရှိနိုင်ကြောင်း သိရသည်။

မုံရွာ-မန္တလေး လမ်းပိုင်းတွင် မိုင်းရှာ ထွက်လာသည့် အကြမ်းဖက် စစ်တပ် ယာဥ်တန်းနှင့် ခြေလျင်စစ်ကြောင်းများ CHUPDF တပ်ဖွဲ့က မိုင်းဆွဲ တိုက်ခိုက်ခဲ့ပြီး စစ်သား ၃ ဦးသေဆုံးခဲ့ကြောင်း ချောင်းဦးPDF အဖွဲ့ထံမှ သိရသည်။

စက်တင်ဘာလ ၈ ရက်နေ့ နံနက် ၁၀ နာရီခန့်တွင် မုံရွေးတိုးဂိတ်ဘက်မှ ချောင်းဦးမြို့ဘက်သို့ မုံရွာ- မန္တလေးလမ်းအတိုင်း မိုင်းရှာ ထွက်လာသည့် အကြမ်းဖက် စစ်တပ် သံပြားကာ ကား ၁ စီးနှင့် အင်အား ၇၀ ခန့်ပါ ခြေလျင်စစ်ကြောင်းကို ချောင်းဦးမြို့ အဝင် ၀.၅ မိုင်၌ ကားပေါ်ပြန် တက်ချိန်တွင် CHUPDF တပ်ခွဲ (၄)မှ မိုင်း ၂ လုံးဖြင့် ဖောက်ခွဲ တိုက်ခိုက်ခဲ့ပြီး စစ်သားများ ထိခိုက်သေဆုံးမှုရှိသော်လည်း အရေအတွက် အတည်မပြုနိုင်သေးကြောင်း သိရသည်။

အဆိုပါ မိုင်းဆွဲ တိုက်ခိုက်မှုကြောင့် သေဆုံးသွားသော စစ်သား အလောင်းများနှင့် ထိခိုက်ဒဏ်ရာရရှိသူများကို ချောင်းဦး ပြည်သူ့ အားကစားကွင်းသို့ CANTER ကားဖြင့် ၂ ခေါက် သယ်ဆောင် သွားခဲ့ကြောင်း သိရသည်။

စက်တင်ဘာလ ၈ ရက်နေ့ မွန်းလွဲ ၃ နာရီခန့်တွင်လည်း စစ်ကိုင်းဘက်မှ လာသည့် စစ်ကား ၂၁ စီးပါ ယာဥ်တန်းကို ချောင်းဦးမြို့တွင်း၌ CHUPDF တပ်ခွဲ ၃ မှ ၂ ကြိမ် မိုင်းဆွဲ တိုက်ခဲ့ပြီး စစ်သားများ ထိခိုက်သေဆုံးမှု အရေ အတွက်ကို အတည်မပြုနိုင်သေးကြောင်း သိရသည်။

ယင်း ယာဥ်တန်းကို ခင်မွန်ကျေးရွာ အနီး၌ CHUPDF တပ်ခွဲ ၁ မှ ရှေ့ထွက်မိုင်း ၃ လုံးဖြင့် ထပ်မံ တိုက်ခိုက်ခဲ့ပြီး ၅ စီးမြောက်နှင့် ၆ စီးမြောက် ယာဥ်တန်းတို့ကို ထိမှန်ကာ စစ်သား ၃ ဦး သေဆုံးခဲ့ကြောင်း သိရသည်။

LEAVE A REPLY

Please enter your comment!
Please enter your name here

Share post:

Subscribe

spot_imgspot_img

Popular

More like this
Related

ထီးချိုင့်မြို့နယ်၊ လေသာကျေးရွာကို ယမန်နေ့ ညပိုင်းတွင် စစ်တပ်က လေ ယာဉ် ဖြင့် ဗုံးကျဲ ပြီး ယနေ့ နံနက်ပိုင်းတွင် မီးတင်ရှို့နေ

ရန်ကုန်၊ ဒီဇင်ဘာ ၁စစ်ကိုင်းတိုင်း၊ ထီးချိုင့်မြို့နယ်၊ လေသာကျေးရွာကို ယမန်နေ့ ညပိုင်းတွင် စစ်တပ်က လေယာဉ်...

Khit Thit သတင်းဌာန၏ ဒီဇင်ဘာ ၁ ရက် နေ့လယ်ပိုင်း ရုပ်သံသတင်းအစီအစဉ်

Khit Thit သတင်းဌာန၏ ဒီဇင်ဘာ ၁ ရက် နေ့လယ်ပိုင်း ရုပ်သံသတင်းအစီအစဉ် By...

Breaking News- စစ်အာဏာရှင် ဆန့်ကျင်ရေး ဦးဆောင် လှုပ်ရှားသူ ဒဂုံ တက္ကသိုလ်ကျောင်းသား ၇ ဦးကို စစ်ကောင်စီတရားရုံးက သေဒဏ် ချမှတ်

ရန်ကုန်၊ ဒီဇင်ဘာ ၁စစ်အာဏာရှင် ဆန့်ကျင်ရေး တက်ကြွလှုပ်ရှားခဲ့ကြသည့် ဒဂုံတက္ကသိုလ် ကျောင်း သား ၇...