ရန်ကုန်၊ စက်တင်ဘာ ၆
ကချင်ပြည်နယ်၊ ဖားကန့်မြို့ရှိ တော်လှန်ပြည်သူများသည် စက်တင်ဘာလ ၆ ရက် ယနေ့နံနက်တွင် ကုလသမဂ္ဂ၌ သံအမတ်ကြီး ဦးကျော်မိုးထွန်း ဆက်ရှိရေး၊ NUG KIA PDF ထောက်ခံကြိုဆိုကြောင်းနှင့် အကြမ်းဖက်စစ်အာဏာရှင် ချေမှုန်းရေး ချီတက်ကြွေးကြော်ဆန္ဒပြကြသည်။
ဆန္ဒပြ ပြည်သူများက အမှန်တရားဘက်က ရပ်တည်တဲ့ သံအမတ်ကြီး ဦးကျော်မိုးထွန်းကို ထောက်ခံပါတယ်၊ KIA PDF တိုက်ပွဲတိုင်းမှာနိုင်ပါစေ၊ NUG အစိုးရ ဒို့အစိုးရ၊ လူသတ် အကြမ်းဖက် စစ်ကောင်စီ လုံးဝ အုပ်ချုပ်ခွင့် မရစေရ၊ အင်တာနက်ဖြတ်တဲ့မင်း အောင်လှိုင်အဖွဲ့ အသေဆိုး နဲ့သေပါစေ၊ စစ်ခွေးတွေ ကို ချေမှုန်းဖို့ KIA PDF ချီတက်လာပြီ၊ ဖက်ဒရယ်ပြည်ထောင်စု နှင့် ဖက်ဒရယ် တပ်မတော် ပေါ်ပေါက်ရေး ဒို့အရေး၊ တော်လှန်ရေး အမြန်အောင်ဖို့ ပြည်သူအားလုံး ဝိုင်းဝန်းပါဝင်စို့ ဖမ်းဆီးထားသော နိုင်ငံခေါင်းဆောင်များနှင့် ပြည်သူများ ချက်ချင်းလွတ်၊ ဖက်ဆစ်စစ်တပ် အမြစ်ဖြတ်၊ နွေဦးတော်လှန်ရေး အရေးတော်ပုံအောင်ကိုအောင်ရမည် စသည့်ကြွေးကြော်သံများဖြင့် ချီတက်ဆန္ဒပြကြသည်။
