ရန်ကုန်၊ စက်တင်ဘာ ၂၃
အမျိုးသားညီညွတ်ရေးအစိုးရ NUG နှင့် နွေဦးတော်လှန်ရေးအတွက် လက်မှတ်ဝယ်ခြင်း၊ လှူဒါန်းမှု ပေးသော Wave နှင့် K-pay အကောင့်ရာပေါင်းများစွာကို စစ်ကောင်စီက ပိတ်ပင်ပြီး လိုက်လံ ဖမ်း ဆီးမှုများ လုပ်ဆောင်နေကြောင်း သိရှိရသည်။
NUG ရန်ပုံငွေရရှိစေရန် စ မှတ်၊ Dwan of Revo လက်မှတ်များ၊ ဒရုန်းတိုက်ခိုက်ရေး ဗုံးသီး အလုံး ၅၀၀ ပရောကျက်၊ ဒရုန်းဝယ်ယူရန် ပရောဂျက်၊ မမများနှင့် ပွဲကမယ် ပရောဂျက်၊ ဆန်ရေ ပရောဂျက်၊ ပြည်တော်ဝင်ပြီး နန်းသိမ်းမယ် အပါအဝင် ပရောဂျက်များသို့ လှူဒါန်းခဲ့သူများ လိပ်စာ၊ ဖုန်းနံပါတ်၊ လှူဒါန်းသည့် ငွေပမာဏများဖြင့် အကောင့်များ ပိတ်ပင်ခြင်း ၊ လိုက်လံ ဖမ်းဆီးခြင်းများ လုပ်ဆောင်နေခြင်းဖြစ်ကြောင်း သိရှိရသည်။
“အဲဒီစာရင်းဇယားအတိုင်းထွက်လာတယ်။ ဒီအထဲမှာပါတဲ့သူတွေ သတိထားစေချင်လို့ပါ” ဟု ခေတ်သစ် ၏ သတင်းရင်းမြစ်တစ်ခုကပြောသည်။
စစ်ကောင်စီက ပိတ်ပင်ခိုင်းသည့် Wave နှင့် K-Pay အကောင့်မှာ ရာပေါင်းများစွာရှိပြီး အတိအကျကို မသိ ရှိရပေ။
