“ICC ဆိုရင်လည်းအရွှေ့ကတော့ အရမ်းနှေးတယ်။ ဒါပေမယ့် ICC ရဲ့ခုံရုံးကို အကြမ်းဖက်ဖက်ဆစ်စစ်တပ်က ခေါင်းဆောင်တွေ ရောက်ဖို့က အရေးကြီးတဲ့အတွက်ကြောင့် ဆက်လက်လုပ်ဆောင်လျှက်ရှိပါတယ်။”
ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းနှင့်တွေ့ဆုံခြင်း (နိဂုံး)
By ရန်ကုန်ခေတ်သစ်
အကြမ်းဖက်စစ်ကောင်စီဟာ နေ့စဉ်ဆိုသလို အကြမ်းဖက်သတ်ဖြတ်မှုတွေ ရွာ လုံးကျွတ်မီးရှို့မှုတွေအပါအဝင် လူသား မျိုးနွယ်စုအပေါ် လူမျိုးတုန်း သတ် ဖြတ် မှုတွေ ကျူးလွန်နေတာကြောင့် နိုင်ငံတကာကပြစ်တင် ရှုတ်ချ နေပါတယ်။
ကုလသမဂ္ဂလုံခြုံရေးကောင်စီက နှစ်ပေါင်း ၇၀ ကျော်အတွင်း မြန်မာ နိုင်ငံ နဲ့ပတ်သက်တဲ့ ပထမဆုံး ဆုံးဖြတ်ချက်ကို ချမှတ်လိုက်တဲ့အကြောင်းတွေကို ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းနဲ့ ဆက်သွယ်မေးမြန်းထား ပါတယ်။
ပြီးခဲ့တဲ့ အပိုင်း(၁)မှတော့ လုံခြုံရေးကောင်စီရဲ့ အရေးယူနိုင်မယ့် အခြေအနေတွေ၊ စစ်ကောင်စီရင်ဆိုင်နေရတဲ့ နိုင်ငံတကာဖိအားအခြေအနေတွေကို မေးမြန်းဆွေးနွေးခဲ့ပါတယ်။
အခုထုတ်လွှင့်ပြသမယ့် နိဂုံးပိုင်းမှာတော့ ICC ၊ ICJကနေဆောင်ရွက်မှု အနေအထားတွေ စစ်ကောင်စီနဲ့ နီးစပ်တယ်လို့ ဆိုရမယ့် ရုရှားနဲ့တရုတ်နိုင်ငံတွေနဲ့ အမျိုးသားညီညွတ်ရေးအစိုးရနဲ့ရော ဆက်ဆံရေးတွေက ဘယ်လိုရှိနေလဲဆိုတဲ့ အကြောင်းအရာတွေကို ဆက်သွယ်မေးမြန်းတင်ဆက်ထားပါတယ်။
