စစ်ကိုင်းတွင် မန္တလေး UG အဖွဲ့မှ လူငယ် ၁ ဦး ကျည်ဆံများဖြင့် ဖမ်းဆီးခံရ၍ မြေပြင်အဖွဲ့များ ချိတ်ဆက်မှု ရပ်တန့်ရန် သတိပေး
ရန်ကုန်၊ ဇန်နဝါရီ ၂၇
စစ်ကိုင်းတိုင်း၊ စစ်ကိုင်းတံတားရှိ နှာပေါက်ဂိတ်တွင် Mandalay UG Wolf ARMY အဖွဲ့က လူငယ် ၁ ဦး ကျည်ဆံများဖြင့် ဖမ်းဆီးခံရကြောင်း အဆိုပါ အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဇန်နဝါရီလ ၂၇ ရက်နေ့ နံနက် ၁၀ နာရီခန့်တွင် Mandalay UG Wolf ARMY အဖွဲ့မှ ရဲဘော် နိုင်းနိုင်း (ခ) အငယ်ကောင်ကို အကြမ်းဖက် စစ်တပ်က စစ်ကိုင်းတံတား နှာပေါက်ဂိတ်တွင် သေနတ် ကျည်ဆံများဖြင့် ဖမ်းဆီးခံရကြောင်း သိရသည်။
“Mandalay UG Wolf ARMY အဖွဲ့က ရဲဘော် နိုင်းနိုင်း (ခ) အငယ်ကောင် စစ်ကိုင်းတံတား နှာပေါက်ဂိတ်မှာ သေနတ်ကျည်ဆံတွေနဲ့ ဖမ်းဆီးခံရတယ်။ မြေပြင် အဖွဲ့အစည်းတွေ အကုန် မြေပြင် ချိတ်ဆက်မှု UG တွေ ရပ်ထားဖို့ သတိပေးချင်ပါတယ်” ဟု Mandalay UG Wolf ARMY အဖွဲ့က တာဝန်ရှိသူ တစ်ဦးကပြောဆိုသည်။
