လောင်းလုံးတွင် တော်လှန်လူငယ်များက PTTEP၊ PTT တံဆိပ်ပါ ထုတ်ကုန် ပစ္စည်းများ မသုံးစွဲရေး ဟောပြောမှုများ ဆက်တိုက်ပြုလုပ်
ရန်ကုန်၊ ဖေဖော်ဝါရီ ၂၄
လောင်းလုံးမြို့နယ်တွင် တော်လှန်လူငယ်များ ဦးဆောင်ကာ ယနေ့ ဖေဖော်ဝါရီလ ၂၄ ရက်နေ့တွင် အကြမ်းဖက် စစ်တပ်ထံ ရင်းနှီးမြုပ်နှံထားသည့် PTTEP၊ PTT တံဆိပ်ပါ ထုတ်ကုန် ပစ္စည်းများ မသုံးစွဲရေး ဟောပြောမှုများ ဆက်တိုက်ပြုလုပ်ခဲ့ကြောင်း သိရသည်။
PTTEP သည် မြန်မာနိုင်ငံရှိ ရေနံနှင့် သဘာဝဓါတ်ငွေ့ စီမံကိန်းများဖြစ်ကြသည့် ရတနာသဘာဝဓါတ်ငွေ့စီမံကိန်းတွင် ၂၅.၅% ၊ ရဲတံခွန်စီမံကိန်းတွင် ၁၉.၃၂% နှင့် ဇောတိကစီမံကိန်းတွင် ၈၀% ရင်းနှီးမြှုပ်နှံ လုပ်ကိုင်လျှက်ရှိပြီး အာဏာသိမ်းစစ်ကောင်စီအား ဒေါ်လာသန်းပေါင်းများစွာ ပေးဆောင်နေသည့် ထိုင်းနိုင်ငံပိုင် ရေနံ နှင့် စွမ်းအင် ကုမ္ပဏီကြီး တစ်ခုဖြစ်ကြောင်း သိရသည်။
