ကျိုက်ထို တပ်မ ၄၄ ဌာနချုပ်ရုံးနှင့် တပ်မမှူးနေအိမ်ကို ဒရုန်းဖြင့် တိုက်ခိုက်၊ ကျေး ရွာနှင့် ပြည်သူများကို လက်နက်ကြီးဖြင့် ပစ်လျှင် စစ်တပ်တပ်ရင်း ဌာန ချုပ် များကို တန်ပြန်တိုက်ခိုက်မည်ဟု သတိပေး

ကျိုက်ထို တပ်မ ၄၄ ဌာနချုပ်ရုံးနှင့် တပ်မမှူးနေအိမ်ကို ဒရုန်းဖြင့် တိုက်ခိုက်၊ ကျေး ရွာနှင့် ပြည်သူများကို လက်နက်ကြီးဖြင့် ပစ်လျှင် စစ်တပ်တပ်ရင်း ဌာန ချုပ် များကို တန်ပြန်တိုက်ခိုက်မည်ဟု သတိပေး

ရန်ကုန်၊ မတ် ၂၁

မွန်ပြည်နယ်၊ ကျိုက်ထိုမြို့နယ်၊ တပ်မ ၄၄ ဌာနချုပ်ရုံးနှင့် တပ်မမှူးနေအိမ်တို့ကို ဒရုန်းဖြင့် ဗုံးကျဲတိုက် ခိုက်ခဲ့ရာ ထိခိုက်ပျက်စီးမှုရှိနိုင်ကြောင်း သထုံပြည်သူ့ ကာ ကွယ်ရေး တော်လှန်ရေးအင်အားစု(TPDF) မှ တာဝန်ရှိ သူတစ်ဦးက ရန်ကုန် ခေတ် သစ်သတင်းဌာနထံသို့ ပြောကြာသည်။

ယနေ့မတ်လ ၂၁ ရက် နံနက် ၁၀ နာရီ ၁၅ မိနစ်ခန့်က အဆိုပါ တပ်မ ၄၄ ဌာန ချုပ် ရုံးနှင့် တပ်မမှူးနေ အိမ်အား KNLA၊ PDF၊ KRF ပူးပေါင်းတပ်ဖွဲ့မှ ဒရုန်းဖြင့် ဗုံးသီး ၈ လုံးကျဲချတိုက်ခိုက်ခဲ့ရာ ဗုံးသီး ၇ လုံး ပေါက်ကွဲပြီး ထိခိုက် ပျက်စီး မှုအ ခြေအနေ မသိရသေးကြောင်း၊ ပြည်သူ့ကာကွယ်ရေးတပ်ဖွဲ့ဝင်များအထိ အခိုက်မရှိ ပြန်လည်ဆုတ်ခွာနိုင်ခဲ့ကြောင်း သိရသည်။

“အထိအခိုက်ရှိနိုင်ပါတယ်၊ အသေးစိတ်တော့မသိရသေးဘူး၊ ခွေးတွေဘက်က ပြန်ပစ်တာမျိုးမရှိဘူးဗျ၊ အရင်ကဆိုရင် မြေပြင်မစ်ရှင်ဖော်ပြီးတာနဲ့ မကြာပါဘူး၊ သူတို့ဘက်က လက်နက်ကြီးတွေ အများကြီး ပြန်ပစ်လေ့ရှိတယ်၊ အခုနောက် ပိုင်း တော့ နည်းသွားတယ်၊ ကျည်ကုန်နေတာလား၊ ကျည်စုနေတာ မပြော တတ်ဘူး၊ အရင်က ထက်တော့ လက်နက်ကြီး ပစ်တာ လျော့သွားတယ်” ဟု သထုံ ပြည်သူ့ ကာကွယ်ရေး တော်လှန်ရေး အင် အားစု(TPDF)မှ တာဝန်ရှိ သူတစ်ဦး က ရန်ကုန်ခေတ်သစ်သတင်းဌာနထံသို့ ပြောကြာသည်။

အကြမ်းဖက်စစ်တပ်က ပြည်သူလူထုနေထိုင်ရာ ကျေးရွာများအတွင်း လက်နက် ကြီး ပစ်ခတ်တိုင်း ၎င်းတို့ ၏ တပ်ရင်း၊ တပ်မ၊ ဌာနချုပ်စခန်းများကို တန်ပြန် ပစ်ခတ် တိုက်ခိုက်သွားမည်ဖြစ်ကြောင်း၊ မိဘပြည်သူ များအနေဖြင့် အကြမ်း ဖက်စစ်ကောင်စီတပ်ဖွဲ့ဝင်များ၊ ယာဉ်တန်းများ၊ တပ်ဝန်းများနှင့် ဝေးဝေးနေပေး ကြပါရန် သထုံပြည်သူ့ကာကွယ်ရေး တော်လှန်ရေးအင်အားစု(TPDF) ကမေတ္တာ ရပ်ခံထားသည်။

ဓာတ်ပုံ- ကျိုက်ထိုမြို့နယ်ရှိ တပ်မ ၄၄ ဌာနချုပ် လက်အောက်ခံ ခမရ ၂ ။