ပြည်သူများကို သတ်ဖြတ်ခဲ့သည့် စစ်တပ် ဘီလူးစစ်ကြောင်းကို မြောင်နယ်တွင် တိုက်ခိုက်မှု စစ်သား ၁၉ ဦးသေဆုံး၊ ဖြစ်သလို အမိန့်ပြန်ပြီး စစ်သား အလောင်း ကို ပစ်ထားခဲ့
■ မြောင်နယ်တွင် ဘီလူးစစ်ကြောင်းမှ သေဆုံးသူ စစ်သား ၃၆ ဦးရှိပြီ
ရန်ကုန်၊ မတ် ၂၃
စစ်ကိုင်းတိုင်း၊ မြောင်မြို့နယ်အတွင်း ဝင်ရောက်လာသော စစ်ကောင်စီ၏ ဘီလူး စစ်ကြောင်း ကို တိုက်ခိုက်ခဲ့ရာ စစ်ကြောင်းမှူးအပါအဝင် အများအပြား သေဆုံး ခဲ့ကြောင်း မြောင်မြို့နယ် ပြည်သူ့ကာ ကွယ်ရေးနှင့် လုံခြုံရေးအဖွဲ့ -CDSOM မှ ကိုနွေဦး(မြောင်)က ရန်ကုန်ခေတ်သစ်သတင်းဌာနထံသို့ ပြော ကြားသည်။
မတ်လ ၂၁ ရက် ညနေ ၄ နာရီခန့်က မြောင်မြို့နယ်၊ မြစ်ဆုံ၊ ပေါက်ချောင်း၊ ချောင်း ခွဲနေရာများသို့ အင်အား ၂၀၀ ခန့် ဝင်ရောက်လာသော အကြမ်းဖက် စစ်တပ် တပ်မ ၉၉ လက်အောက်ခံ ဘီလူးစစ် ကြောင်းကို ပြည်သူ့ကာကွယ် ရေး တပ် ဖွဲ့များက တိုက်ခိုက်ခဲ့ရာ ၂ နာရီခွဲခန့်အကြာ တိုက်ပွဲပြင်းထန်ခဲ့ပြီး အကြမ်း ဖက်စစ်တပ်မှ ၁၉ ဦးသေဆုံးခဲ့ကြောင်း၊ အကြမ်းဖက်စစ်သားများ နောက်ဆုံး တပ်စွဲခဲ့သည့်နေရာအား စစ်ဆေးကြည့်ရှုရာ တပ်ကြပ်ကြီးတစ်ဦး၏ ရုပ် အ လောင်း နှင့် အမိန့်ပြန်တမ်း အချက် အလက်အချို့ကို သိမ်းဆည်း ရရှိခဲ့ ကြောင်း၊ အလောင်းကို ဖြစ်သလိုထားခဲ့ပြီး အမိန့်ပြန်ခဲ့ကြောင်း သိရသည်။
“တိုက်ပွဲ မစခင် နေ့ခင်း ၁၂ နာရီလောက်က ကျနော်တို့ CDSOM က အရှေ့ ဘက်ခြမ်းကနေ ခွေးတွေ နေ တဲ့ဇရပ်ကို ဝင်ပစ်တယ်၊ နေ့ခင်း ၁ နာရီလောက် မှာ ဒုတိယအကြိမ် မြင်းခြံ ၃၅ ဦးက လာပေါင်းပြီး ပထိန် ၂ လုံး ၄၀ မမတစ်လုံး ပစ်ပြီးတော့ လက်နက်ငယ်တွေနဲ့ ဇရပ်ဘေးကနေ ဝင်ပစ်တာ၊ ပထိန်တစ်လုံးက ဇရပ်ဘေးမှာ ဝပ်နေတဲ့ ခွေးအုပ်ထဲကို တည့်တည့်ကျတယ်၊ တောင်ပံ နှစ်ဖက် ကနေ ခွေးဘီလူးတွေကို ဝင်ပြီးချေမှုန်းခဲ့တာပါ” ဟု မြောင်မြို့နယ် ပြည်သူ့ကာ ကွယ်ရေးနှင့် လုံခြုံရေးအဖွဲ့ -CDSOM မှ ကိုနွေဦး (မြောင်)က ရန်ကုန် ခေတ် သစ် သတင်းဌာနထံသို့ ပြော ကြားသည်။
အဆိုပါအကြမ်းဖက်စစ်တပ် ဘီးလူးစစ်ကြောင်းသည် မြင်းမူမြို့နယ်အတွင်းရှိ ပြည်သူများကို လူမဆန် စွာ မုဒိမ်းကျင့်သတ်ဖြတ်ခဲ့သည့် စစ်ကြောင်းဖြစ်ပြီး မတ်လ ၁၃ ရက်နေ့မှစ၍ မြောင်မြို့နယ်အတွင်း၌ ပြည်သူ့ ကာကွယ် ရေးတပ်ဖွဲ့ များက ခုခံတိုက်ခိုက်ခဲ့ရာ မတ်လ ၁၅ ရက်နေ့တွင် ၈ ဦး၊ မတ်လ ၁၆ ရက်နေ့ တွင် ၉ ဦး၊ မတ်လ ၂၁ ရက်နေ့က ၁၉ ဦး စုစုပေါင်း ၃၆ ဦးသေဆုံးခဲ့ပြီး ဖြစ် ကြောင်း သိရသည်။
ယင်းတိုက်ခိုက်မှုကို CDSOM ၊ မြင်းမူ CRF ၃၊ စစ်ကိုင်းခရိုင်တပ်ရင်း ၁ တပ်ခွဲ၃ ၊တပ်ခွဲ ၄၊ တပ်ရင်း၂ ခွဲ ၃ ၊ တပ်ရင်း၆ ခွဲ ၂ ၊ MGN 35 ၊ 11 Brother Force ၊ Young Man၊ LCAR ၊ မြင်းခြံခရိုင် တပ်ရင်း ၂ ၊ Myingyan Ranger ၊ PDF Taloke ၊ MGN Tiger ၊ MGN 21 ၊ မြင်းခြံခရိုင် တပ်ရင်း၁ ၊ မြင်းခြံခရိုင် ၃၊ Burmese Guerrilla Force-BGF (Myingyin) ၊ CDSOM တောင်ပိုင်း ဗိုလ် ကျားသစ် ၊ MS9 Brothers ၊ Shwe-Ao Revolution Force ၊ Justice Revolution Force – Myaung ၊ မန္တလေးခရိုင် တပ်ရင်း ၃၊ Black Wolf PDF (မန္တလေးခရိုင် တပ်ရင်း ၃၊ တပ်ခွဲ ၃)၊ Leopard Mobile Defense Force – Myaung တို့ပူးပေါင်းတိုက်ခိုက်ခဲ့ခြင်းဖြစ်ပြီး ကျည် ၂၀၀၀ ၊ အီနာဂါ ဗုံးသီး ၂၀ အသုံးပြုခဲ့ရပြီး ဒရုန်းတစ်စီး ပျက်စီးခဲ့ကြောင်း သိရသည်။
