Khit Thit သတင်းဌာန၏ ဧပြီ ၁၂ ရက် နေ့လယ်ပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ ဧပြီ ၁၂ ရက် နေ့လယ်ပိုင်းတင်ဆက်ပေးမယ့်သတင်းတွေကတော့
-စစ်ကိုင်းတိုင်း၊ ကန့်ဘလူမြို့နယ်မှာ ပြည်သူ အယောက် ၁၀၀ ကျော် သေဆုံးစေခဲ့တဲ့ လေကြောင်း တိုက်ခိုက်မှုကို ကျူးလွန်ခဲ့တဲ့ ဂျက်တိုက်လေယာဉ်မှာ အကြမ်းဖက် စစ်ကောင်စီရဲ့ တံတားဦး လေတပ် ကဖြစ်ပြီး Mi35 တိုက်ခိုက်ရေးရဟတ်ယာဉ်ကတော့ မုံရွာ၊ အနောက် မြောက်တိုင်းစစ် ဌာနချုပ်က ဖြစ်တယ်လို့ တပ်သတင်းရင်းမြစ်တွေဆီကနေ သိရပါတယ်။
– စစ်ကိုင်းတိုင်း၊ ကန့်ဘလူမြို့နယ်မှာ ကျောင်းသားကျောင်းသူ ကလေးငယ်တွေနဲ့ အမျိုးသမီးတွေအပါအဝင် ပြည်သူ အယောက် ၁၀၀ ကျော်သေဆုံးစေတဲ့ မြန်မာ စစ်တပ်ရဲ့ လေကြောင်း ဗုံးကျဲမှုကို ကုလသမဂ္ဂ အတွင်း ရေးမှူးချုပ်က ရှုတ်ချလိုက်ပြီး ၊ ကုလ လူ့အခွင့် အရေး ဆိုင်ရာ မဟာမင်းကြီး ကလည်း ထိတ်လန့်တုန်လှုပ် တယ်လို့ ထုတ်ပြန် ပြောဆိုလိုက်ပြန်ပါတယ်။
-မကွေးတိုင်း၊ ထီးလင်းမြို့နယ်က အကြမ်းဖက် စစ်ကောင်စီရဲ့ ရွှေအောင်သာ အထိုင်တပ်ရဲ့ အရှေ့ ဘက် တာဝါတိုင်အနီး သစ်ပင်ပေါ်မှာ လင့်စင်ထိုးပြီး ကင်းစောင့်နေတဲ့ အကြမ်းဖက် စစ်ကောင်စီတပ်သား၂ ဦးကို ပြည်သူ့ကာကွယ်ရေးတပ်ဖွဲ့ဝင်တွေကနေ အနီးကပ်ပစ်ခတ်တိုက်ခိုက်ရာမှာ စစ်ကောင်စီတပ်သား ၂ ဦးလုံး ပွဲချင်းပြီး သေသွားတဲ့ သတင်းအပါအဝင်နောက်ဆုံးရသတင်းတွေကိုတင်ဆက်ပေးပါမယ်။
