ထန်းတပင်တွင် စစ်တပ် ရိက္ခာပို့ယာဥ်တန်းများ ဖြတ်သန်းသွားလာနေသည့် တံတားကို မိုင်းခွဲ ရှင်းလင်း
ရန်ကုန်၊ ဇွန် ၅
ပဲခူးတိုင်း၊ ထန်းတပင်မြို့နယ်ရှိ အကြမ်းဖက် စစ်တပ် ရိက္ခာပို့ယာဥ်တန်းများ ဖြတ်သန်းသွားလာနေသည့် တံတားကို မိုင်းခွဲ ရှင်းလင်းခဲ့ကြောင်း ကာကွယ်ရေး တပ်ဖွဲ့ဝင် တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
ဇွန်လ ၅ ရက်နေ့ နံနက်အစောပိုင်း ၂ နာရီ ၁၅ မိနစ်ခန့်က အကြမ်းဖက် စစ်တပ် ရိက္ခာပို့ ယာဥ်တန်းများ ဖြတ်သန်းသွားလာနေသည့် ထန်းတပင်-ဇရပ်ကြီး မင်းလမ်းမရှိ ချောင်းခြားကျေးရွာနှင့် နှစ်တန့်ကူကျေးရွာ တံတားကို ထန်းတပင် ပြည်သူ့ကာကွယ်ရေး တပ်ဖွဲ့က မိုင်းခွဲ ရှင်းလင်းခဲ့ကြောင်း သိရသည်။
“နံနက် ၂ နာရီ ၁၅ မိနစ်လောက်က ထန်းတပင်-ဇရပ်ကြီးမင်းလမ်းမမှာရှိတဲ့ ချောင်းခြားကျေးရွာနဲ့ နှစ်တန့်ကူကျေးရွာ တံထားကို ထန်းတပင် ပြည်သူ့ကာကွယ်ရေး တပ်ဖွဲ့က မိုင်းခွဲ ရှင်းလင်းခဲ့တယ်။ စစ်ကောင်စီရဲ့ ရိက္ခာပို့ လမ်းကြောင်းကို ပြတ်တောက်အောင် လုပ်တာပေါ့” ဟု ကာကွယ်ရေး တပ်ဖွဲ့ဝင် တစ်ဦးကပြောဆိုသည်။
![](https://yktnews.com/wp-content/uploads/2023/06/351450664_799809578088768_4698587654284299179_n.jpg)
![](https://yktnews.com/wp-content/uploads/2023/06/352102888_5874243462681021_5348049453033144854_n.jpg)
![](https://yktnews.com/wp-content/uploads/2023/06/352132850_271706005266906_8131548625573405301_n.jpg)