ကလေးမြို့၊ လက်ပံချောင်းရွာကို စစ်တပ်က လက်နက်ကြီးဖြင့် ပစ်ခတ်မှု ပြည်သူ ၆ ဦး ထိခိုက် ဒဏ်ရာရပြီး ၁ ဦး စိုးရိမ်ရ
ရန်ကုန်၊ ဇွန် ၅
စစ်ကိုင်းတိုင်း၊ ကလေးမြို့၊ လက်ပံချောင်းရွာကို အကြမ်းဖက် စစ်တပ်က လက်နက်ကြီးဖြင့် ပစ်ခတ်သောကြောင့် ပြည်သူ ၆ ဦးဒဏ်ရာရပြီး ၁ ဦးစိုးရိမ်ရကြောင်း ဒေသပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။
ဇွန်လ ၅ ရက်နေ့ နံနက် ၁၁ နာရီ ၃၇ မိနစ်တွင် ကလေးမြို့တွင်း ၂၂၈ တပ်ကပ်လျက် အမြောက်တပ် မှ လက်နက်ကြီးဖြင့် ပစ်ခတ်ခဲ့ရာ လက်ပံချောင်းရွာ B ရပ်ကွက်အတွင်း ကျရောက် ပေါက်ကွဲခဲ့ပြီး ပြည်သူ ၆ ဦးထိခိုက်ဒဏ်ရာရရှိကာ ၁ ဦးစိုးရိမ်ရကြောင်း သိရသည်။
“လေကြောင်းပစ်ပြီးတော့ မြောက်ပိုင်းကို လျှောက်ထုတာ။ ကျတော့လက်ပံချောင်း B ရပ်ကွက်။ တိုက်ပွဲဖြစ်တာ မရှိဘဲနဲ့ ပစ်တာ “ဟု ဒေသပြည်သူတစ်ဦးက ရန်ကုန်ခေတ်သစ်သတင်းဌာနသို့ ပြောကြားသည်။
အကြမ်းဖက် စစ်တပ် လက်နက်ကြီး ပစ်ခတ်မှုကြောင့် ထိခိုက် ဒဏ်ရာရရှိသူ ၆ ဦးထဲမှ ၁ ဦးသည် စိုးရိမ်ရပြီး ခြေထောက် နှစ်ဖက် ဆုံးရှုံးဖွယ်ရှိကြောင်း သိရှိရသည်။
![](https://yktnews.com/wp-content/uploads/2023/06/352191401_559833693009885_8197956019661942295_n.jpg)
![](https://yktnews.com/wp-content/uploads/2023/06/351833214_256732086943006_6325346930665640325_n.jpg)
![](https://yktnews.com/wp-content/uploads/2023/06/352316168_156654467393426_5210768882564350235_n.jpg)