စစ်ကိုင်းမြို့နယ်၊ ကင်းတော်ရွာအနီးတွင် အလောင်း ၂ လောင်းထပ်မံတွေ့ရှိရပြီး စုစုပေါင်း သတ်ဖြတ်ခံရသူ ၂၀ ဦးအထိရှိလာ
■ အသတ်ခံရသူ အမျိုးသမီးအင်္ဂါများတွင် ထိုးသွင်းဒဏ်ရာ၊ ကိုယ်ခန္ဓာကိုယ်ချုပ်ထားသည့်ဒဏ်ရာများရှိပြီး မစင်များပါထွက်နေ၊ အုပ်စုလိုက် မုဒိမ်းကျင့်သွားဟုဆို
ရန်ကုန်၊ ဇွန် ၂၇
စစ်ကိုင်းမြို့နယ်၊ ကင်းတော်ကျေးရွာနှင့် မြင်းဆည်ကျေးရွာ ကို စစ်တပ်က ဇွန်လ ၂၅ ရက်နေ့ နံနက်ပိုင်း ဝင် ရောက်စီးနင်းစဉ် လူ ၁၈ ဦးကို သတ်ဖြတ်ခဲ့ရာမှ ယနေ့ အလောင်း ၂ လောင်းထပ်မံတွေ့ရှိရသဖြင့် စုစုပေါင်း အသတ်ခံရသူ ၂၀ ဦးရှိလာပြီဖြစ်ကြောင်း သိရှိရသည်။
စစ်ကောင်စီက ကင်းတော်ရွာနှင့် မြင်းဆည်ကျေးရွာကို ဇွန်လ ၂၅ ရက်နေ့ နံနက်ပိုင်း ဝင်ရောက်စီးနင်းချိန် တော်လှန်ရေး ရဲဘော် ၁၃ ဦးကို သတ်ဖြတ်ခြင်း၊ အမျိုးသမီး ၂ ဦးကို မုဒိမ်းကျင့်သတ်ဖြတ်ခြင်း အပါအဝင် စုစုပေါင်း လူ ၁၈ ဦးကို စစ်တပ်က သတ်ဖြတ်ခဲ့ကြောင်း၊ ယနေ့တွင် အလောင်း ၂ လောင်း ထပ်မံတွေ့ရှိရသဖြင့် စုစုပေါင်း အသတ်ခံရသူ ၂၀ ဦးရှိလာပြီဖြစ်ကြောင်း သိရှိရသည်။
” ဒီနေ့၂ လောင်းထပ်တွေ့တယ်။ ငါန်းဇွန် ပကဖ တွေပဲ။ စုစုပေါင်း ၂၀ ဦးအသတ်ခံရတယ်။ တော်လှန်ရေး ရဲဘော် ကျားနဲ့ မ ၁၇ ဦး။ ပြည်သူ ၃ ဦး အသတ်ခံရတာပါ” ဟု ဒေသသတင်းရင်းမြစ်က ရန်ကုန်ခေတ်သစ်သတင်းဌာနထံသို့ ပြောဆိုသည်။
အသတ်ခံရသူ အမျိုးသမီးများ၏ အင်္ဂါများတွင် ထိုးသွင်းဒဏ်ရာများရှိနေပြီး ကိုယ်ခန္ဓာများတွင်လည်း အချုပ်ခံရထားပြီး မုဒိမ်းကျင့်ခံထားရသည့် ဒဏ်ရာများရှိကြောင်း၊ မစင်များလည်း ထွက်နေကြောင်း သိရှိရသည်။
“အမျိုးသမီးတွေကို အုပ်စုလိုက် မုဒိမ်းကျင့်သတ်ဖြတ်သွားတာပါ” ဟု ဒေသသတင်းရင်းမြစ်က ပြောဆိုသည်။
ဓာတ်ပုံ- အမျိုးသမီးများ မုဒိမ်းကျင့် သတ်ဖြတ်ခံထားရစဉ် ရရှိထားသော ဒဏ်ရာများကို တွေ့ရစဉ်။
![](https://yktnews.com/wp-content/uploads/2023/06/355644843_621040423456901_119824595066331930_n-1024x768.jpg)
![](https://yktnews.com/wp-content/uploads/2023/06/356256276_621039770123633_106908459666946644_n-768x1024.jpg)
![](https://yktnews.com/wp-content/uploads/2023/06/356410162_621039730123637_3851473845039202824_n-768x1024.jpg)