ဟားခါး အခြေစိုက် ခလရ ၂၆၆ တပ်မှ တပ်သား ၁ ဦး လက်နက်ခဲယမ်းများနှင့်အတူ အလင်းဝင်လာမှု သိန်း ၅၀ ချီးမြှင့်ပြီး လုံခြုံရာနေရာသို့ ပို့ဆောင်
ရန်ကုန်၊ ဇူလိုင် ၁၈
ချင်းပြည်နယ်၊ ဟားခါးအခြေစိုက် ခလရ ၂၆၆ တပ်မှ တပ်သား ၁ ဦး လက်နက်ခဲယမ်းများနှင့်အတူ အလင်းဝင်လာပြီး ယင်းတပ်သားကို သိန်း ၅၀ ဆုချီးမြှင့်ကာ လုံခြုံရာနေရာသို့ ပို့ဆောင်လိုက်ကြောင်း CDF ဟားခါးက သတင်းထုတ်ပြန်သည်။
ဇူလိုင်လ ၁၇ ရက်နေ့တွင် ချင်းပြည်နယ်၊ ဟားခါးမြို့အခြေစိုက် အမှတ် ၂၆၆ ခြေလျင်တပ်ရင်းမှ တပ်သားတစ်ဦးသည် MA 1 သေနတ် ၁ လက်၊ ကျည်အိမ် ၄ ခု ၊ ကျည်ဆန် ၁၂၆ တောင့်နှင့်အတူ အလင်းဝင်လာကြောင်း သိရှိရသည်။
အလင်းဝင်လာသည့် တပ်သားကို ငွေကျပ် သိန်း ၅၀ ချီးမြှင့်ပြီး လုံခြုံရာနေရာသို့ ပို့ဆောင်လိုက်ကြောင်း CDF ဟားခါးက ထုတ်ပြန်ထားသည်။
