ယင်းမာပင်မြို့နယ်တွင် စစ်တပ် စစ်ကြောင်းကို မိုင်းဆွဲ တိုက်ခိုက်မှု ၆ ဦးသေဆုံး
ရန်ကုန်၊ သြဂုတ် ၂၀
စစ်ကိုင်းတိုင်း၊ ယင်းမာပင်မြို့နယ်တွင် အကြမ်းဖက် စစ်တပ် စစ်ကြောင်းကို မိုင်းဆွဲ တိုက်ခိုက်ရာ စစ်သား ၆ ဦးသေဆုံးခဲ့ကြောင်း Yinmarbin Local PDF တပ်ဖွဲ့ထံမှ သိရသည်။
သြဂုတ်လ ၁၂ ရက်နေ့တွင် ပုလဲမြို့နယ်မှ ယင်းမာပင်မြို့နယ် အတွင်း စစ်ကြောင်းထိုး ဝင်ရောက်လာသည့် အကြမ်းဖက် စစ်တပ်ကို တော်လှန်ရေး တပ်ဖွဲ့များက မိုင်းဆွဲ တိုက်ခိုက်ခဲ့ရာ စစ်သား ၆ ဦးသေဆုံးခဲ့ကြောင်း သိရှိရသည်။
အဆိုပါ စစ်ကြောင်းသည် ယင်းမာပင်မြို့မှ မြန်မာ-ယန်စီ ကုမ္မဏီသို့ အင်အား ၁၀၀ ခန့်ဖြင့် စစ်ကြောင်းထိုး လာရောက်စဥ် အင်ကြင်းတောင်အနီးတွင် မိုင်းဆွဲ တိုက်ခိုက်ခဲ့ခြင်းဖြစ်ကြောင်း၊ မိုင်းဆွဲခဲ့သည့် နေရာ၌ သွေးကွက်များ နှင့် ယူနီဖောင်း အစုတ်အပြဲများ ကျန်ရစ်ခဲ့ပြီး သေဆုံးသွားသော စစ်သား ၆ ဦးအလောင်းများကို မြန်မာ-ယန်စီ ကုမ္မဏီအတွင်း ညတွင်းချင်း မီးသဂြိုလ် လိုက်ကြောင်း သိရသည်။
အဆိုပါ တိုက်ခိုက်မှုကို Alpha. Column. စစ်ကြောင်း၊ Alpha တပ်ခွဲ ၁ ၊ Triple Tow တပ်ခွဲ ၂ ၊ Chindwin Galone Yarzar တပ်ခွဲ ၃ ၊ Monywa Truth Of တပ်ခွဲ ၄ နှင့် Yinmarbin Local PDF တပ်ခွဲ ၅ တို့က ပူးပေါင်း လုပ်ဆောင်ခဲ့ကြောင်း သိရှိရသည်။
