ကော့ကရိတ်ရှိ ဝေါ်လေကျေးရွာမှ ပြည်သူ ၂ ဦးကို စစ်တပ်က သေနတ်ဖြင့် အကြောင်းမဲ့ ပစ်ခတ်မှုကြောင့် ထိခိုက်ဒဏ်ရာရ
ရန်ကုန်၊ သြဂုတ် ၂၃
ကရင်ပြည်နယ်၊ ကော့ကရိတ်ရှိ ဝေါ်လေကျေးရွာမှ ပြည်သူ ၂ ဦးကို စစ်တပ်က သေနတ်ဖြင့် အကြောင်းမဲ့ ပစ်ခတ်မှုကြောင့် ထိခိုက်ဒဏ်ရာရခဲ့ကြောင်း ကေအဲန်ယူ−ဗဟိုက ထုတ်ပြန်ထားသည်။
ဩဂုတ်လ ၂၂ ရက်နေ့ နံနက် ၇ နာရီ ၅၈ မိနစ်ခန့်တွင် ပြောင်းဖူးစိုက်ခင်းသို့ သွားသည့် ဝေါ်လေကျေးရွာသူ ၂ ဦးကို အကြမ်းဖက် စစ်တပ်၏ ခမရ-၅၅၉ ဝေါ်လေဗျူဟာမှ စစ်သားများက အကြောင်းမဲ့ ပစ်ခတ်ခဲ့ခြင်းဖြစ်ကြောင်း သိရသည်။
ဝေါ်လေကျေးရွာနေမှ အသက် ၄၀ နှစ်အရွယ် နော်ဖါးကလေးနှင့် အသက် ၁၈ နှစ်အရွယ် နော်ဖေါအယ် တို့ ၂ ဦး ပြောင်းဖူး စိုက်ခင်းသို့သွားရောက်စဥ် အကြမ်းဖက် စစ်တပ်မှ စစ်သားများက လှမ်းခေါ်သောကြောင့် ကြောက်လန့်၍ ထွက်ပြေးစဥ် အကြမ်းဖက် စစ်သားများက သေနတ်ဖြင့် လိုက်လံ ပစ်ခတ်ခဲ့ခြင်းကြောင့် ပြည်သူ ၂ ဦး ထိခိုက် ဒဏ်ရာရခဲ့ကြောင်း သိရှိရသည်။
![](https://yktnews.com/wp-content/uploads/2023/08/369972692_652914846936125_100474259613504209_n.jpg)
![](https://yktnews.com/wp-content/uploads/2023/08/369333913_652914776936132_2190519270173342897_n.jpg)
![](https://yktnews.com/wp-content/uploads/2023/08/369311973_652914813602795_4152073379085573295_n.jpg)