Khit Thit သတင်းဌာန၏ စက်တင်ဘာ ၇ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ စက်တင်ဘာ ၇ ရက် ညနေပိုင်းတင်ဆက်ပေးမယ့်သတင်းတွေကတော့
– ပြည်သူ့ခုခံတွန်းလှန်စစ် ၂ နှစ်တာ ကာလအတွင်း အကြမ်းဖက်စစ်တပ် နဲ့ တိုက်ပွဲပေါင်း အကြိမ်ရေ ၉၉၀၀ ဝန်းကျင် ဖြစ်ပွားခဲ့ပြီး ၊ အကြမ်းဖက် စစ်ကောင်စီတပ်ဖွဲ့ဝင် အယောက် ၃ သောင်းဝန်းကျင်ကို ချေမှုန်းနိုင် ခဲ့ပြီဖြစ်တယ်လို့ အမျိုးသားညီညွတ်ရေးအစိုးရ NUG ကနေ ထုတ်ပြန်လိုက်ပါတယ်။
– အကြမ်းဖက် စစ်ကောင်စီလက်အောက်ခံ စသုံးလုံး ညွှန်ချုပ် မောင်မောင်ကျော် ဆိုသူကို ဌာနပြောင်းရွှေ့ပြီး ကာကွယ်ရေး ဝန်ကြီး ဌာနက အောင်ဇော်လင်း ဆိုသူကို ညွှန်ချုပ်သစ်အဖြစ် အစားထိုးခန့်အပ်မှုကြောင့် စသုံးလုံး ဌာနတွင်းမှာ မကျေနပ်မှုတွေဖြစ်နေတယ်လို့ စသုံးလုံးဌာန အတွင်းမှာရှိတဲ့ အရာရှိတစ်ဦးက ပြောပါတယ်။
– စစ်ကိုင်းတိုင်း၊ ယင်းမာပင်မြို့နယ်မှာ သစ်ခိုးထုတ်နေတဲ့ အကြမ်းဖက် စစ်ကောင်စီတပ် စစ်ကြောင်းကို ပြည်သူ့ကာကွယ်ရေးတပ်ဖွဲ့တွေကနေ တိုက်ခိုက်ရာမှာ အကြမ်းဖက် စစ်ကောင်စီတပ်သား ၅ ဦး သေသွား တဲ့အပြင် ၊ သေနတ် ၃ လက်နဲ့ ခဲယမ်းတွေကိုပါ သိမ်းဆည်းရရှိခဲ့တယ်လို့ ကျောက်လုံးကြီး PDF ကနေ တရားဝင်ထုတ်ပြန်ထားပါတယ်။
– Myanmar Now သတင်းဌာနရဲ့ ဓာတ်ပုံဆရာ ကိုစိုင်းဇော်သိုက် ကို စက်တင်ဘာလ ၆ ရက်နေ့က အင်းစိန်ထောင် စစ်ခုံရုံးကနေ ထောင်ဒဏ် နှစ် ၂၀ ချမှတ်လိုက်တဲ့ သတင်းအပါအဝင် နောက်ဆုံးရ သတင်းတွေကို တင်ဆက်ပေးပါမယ်။
