NUG နိုင်ငံခြားရေးဝန်ကြီး ဒေါ်ဇင်မာအောင်နှင့် လစ်သူရေးနီးယား နိုင်ငံခြား ရေး ဝန်ကြီးတို့ တွေ့ဆုံဆွေးနွေး
ရန်ကုန်၊ စက်တင်ဘာ ၂၂
အမျိုးသားညီညွတ်ရေးအစိုးရ NUG နိုင်ငံခြားရေးဝန်ကြီး ဒေါ်ဇင်မာအောင် သည် လစ်သူရေးနီးယားနိုင်ငံ နိုင်ငံခြားရေးဝန်ကြီး Gabrielius Landsbergis နှင့် ယနေ့ စက်တင်ဘာ ၂၂ ရက်နေ့ တွေ့ဆုံဆွေးနွေးကြောင်း NUG က သတင်း ထုတ်ပြန်သည်။
ထိုသို့တွေ့ဆုံရာတွင် ပြည်ထောင်စုဝန်ကြီးက မြန်မာပြည်အတွင်းစစ်တပ် အုပ်စိုးသည့် နိုင်ငံရေးစနစ်ကို ရပ်တန့်ပြီး ဒီမိုကရေစီ ပြန်လည်ဖေါ်ဆောင် ရေးသည် ဒေသတွင်းတည်ငြိမ်မှုနှင့် ရေရှည်တည့်တန့် ခိုင်မြဲသည့် ဖွံ့ဖြိုးရေး အတွက်အရေးကြီးကြောင်း ၊ ကမ္ဘာတဝှမ်း ဒီမိုကရေစီ အကျပ် အတည်း ဆိုက်နေမှုနှင့်လည်း ချိတ်ဆက်နေခြင်းဖြစ်ကြောင်း၊ ဒီမိုကရက်တစ် နိုင်ငံ ငယ်များ၏ အခန်းကဏ္ဍအရေးပါမှု နှင့် ပူးပေါင်းဆောင်ရွက်နိုင်မည့်ကိစ္စရပ်များ ဆွေးနွေးကြကြောင်း သိရှိရသည်။
