“တော်လှန်ရေးပြီးသည့်တိုင်အောင် တရားရေးစနစ်ကမပြီးသေးဘူး။တရားမျှတမှုအတွက်က လုပ်ကို လုပ်ရမယ့် ကိစ္စဖြစ်တယ်။ ဘယ်သူတက်လာတက်လာ လက်နက်အားကိုပြီးတော့ ပြည်သူတွေနဲ့လူနည်းစုအပေါ်မှာ စစ်ရာဇဝတ်မကျူးလွန်နိုင်အောင် အကောင်းဆုံးတားဆီးနည်းက တရားမျှတမှုဖော်ဆောင်နိုင်ရေးဖြစ်ပါတယ်။”
NUG နိုင်ငံခြားရေးဝန်ကြီးဋ္ဌာန ပြည်ထောင်စုဝန်ကြီး ဒေါ်ဇင်မာအောင် နှင့်ဆက်သွယ်မေးမြန်းချက် အပိုင်း(နိဂုံး)
By ရန်ကုန်ခေတ်သစ်
အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်နှင့်အဖွဲ့ဟာ ၇၈ ကြိမ်မြောက် ကုလသမဂ္ဂအထွေထွေညီလာခံကျင်းပနေချိန်အတွင်း အမေရိကန်ကိုရောက်ရှိနေပြီး နိုင်ငံတကာမှ ခေါင်းဆောင်တွေနဲ့ တွေ့ဆုံဆွေးနွေးတာတွေ လုပ်ဆောင်နေပါတယ်
။ ဒီလိုတွေ့ဆုံမှုတွေမှာ ဘယ်လို အကြောင်းအရာတွေ ဆွေးနွေးခဲ့ကြလဲဆိုတာနဲ့ ကုလသမဂ္ဂမှာ မြန်မာပြည်သူလူထု ကိုယ်စားပြုတဲ့ သံအမတ်ကြီးဦးကျော်မိုးထွန်း ထပ်မံကိုယ်စားပြုခွင့် အခြေ အနေတွေဘယ်လိုရှိလဲ။
နိုင်ငံတကာက စစ်အာဏာရှင်တော်လှန်ရေးနဲ့ပတ်သက်လို့ ဘယ်လို မှတ်ချက်တွေ ဘယ်လို ထောက်ပံ့ မှုတွေ အပါ အဝင် နိုင်ငံတကာရဲ့ သဘောထားအမြင်တွေဘယ်လိုရှိ လဲသိရအောင် နိုင်ငံခြားရေး ဝန်ကြီးဋ္ဌာန ပြည်ထောင်စုဝန်ကြီး ဒေါ်ဇင်မာအောင်နဲ့ ဆက်သွယ်မေးမြန်းထား တာဖြစ်ပြီး အခုနိဂုံးပိုင်းမှာတော့ ကုလလုံခြုံရေးကောင်စီရဲ့ ဆုံးဖြတ်ချတွေကို မလိုက်နာတဲ့ အကြမ်းဖက် စစ်ကောင်စီဟာ ဘယ်လိုဆက်ဖြစ်လာနိုင်မလဲ၊နိုင်ငံတကာ တရားရုံး တွေမှာ အကြမ်းဖက် စစ်ကောင်စီကို အရေးယူနိုင်တော့မလား၊ နိုင်ငံတကာကရော NUG အပေါ်မှာ ဘယ်လို သဘောထားလဲစတဲ့အကြောင်းအရာတွေကို မေးမြန်းတင်ဆက်ထားပါတယ်။
