ဘုတလင်တွင် စစ်တပ်နှင့် FRF အဖွဲ့တို့ ၁လတာအတွင်း ဖြစ်ပွားခဲ့သော တိုက်ပွဲများ၌ စစ်သား ၁၀ ဦးသေဆုံးပြီး လက်နက် ၃ လက် သိမ်းဆည်းရရှိ
ရန်ကုန်၊ အောက်တိုဘာ ၅
စစ်ကိုင်းတိုင်း ဘုတလင်မြို့နယ်အတွင်း စက်တင်ဘာလအတွင်း အကြမ်းဖက်စစ်တပ်နှင့် Freedom Revolution Force တို့ တိုက်ပွဲများ ဖြစ်ပွားခဲ့ပြီး စစ်တပ်ဘက်မှ ၁၀ ဦးခန့်သေကာ လက်နက်ခဲယမ်းများ သိမ်းဆည်းရမိခဲ့ကြောင်း Freedorm Revolution Force (FRF) မှ တာဝန်ရှိသူမှ ရန်ကုန်ခေတ်သစ်သတင်းဌာနသို့ပြောကြားသည်။
ဘုတလင်မြို့ မြန်မာ့စီးပွားရေးဘဏ်အစောင့်ဂိတ်ကို စက်တင်ဘာ ၇ ရက်နေ့တွင် FRF အဖွဲ့ဝင်ရောက်တိုက်ခိုက်ခဲ့ပြီး BA 94 တစ်လက်ရရှိခဲ့ကြောင်း၊ စက်တင်ဘာ ၁၆ ရက်နေ့တွင်လည်း ဘုတလင်မြို့အဝင် လွှဲတဲဘက်မှ ဂိတ်ကို ဝင်ရောက်ပစ်ခတ်ခဲ့ရာ အပြန်အလှန်တိုက်ပွဲဖြစ်ပွားခဲ့ကြောင်း FRF အဖွဲ့ထံမှ သိရှိရသည်။
ထို့ပြင် စက်တင်ဘာ ၁၆ ရက်နေ့တွင်လည်း အကြမ်းဖက်စစ်တပ်ကို FRF အဖွဲ့မှ ဝင်ရောက်ပစ်ခတ်ခဲ့ပြီး အကြမ်းဖက်စစ်တပ်ဘက်မှ အရာရှိ ၁ ဦးပါ ကျဆုံးခဲ့ကြောင်း Freedorm Revolution Force (FRF) မှ တာဝန်ရှိသူမှ ရန်ကုန်ခေတ်သစ်သတင်းဌာနသို့ပြောကြားသည်။
“၁၆ ရက် စက်တင်ဘာမှာပါ။ ဘုတလင်မြို့အဝင် လွှဲတဲဘက်က ဂိတ်ကို ဝင်ပစ်တာပါ။ တိုက်ပွဲချိန် မိနစ် ၄၀ လောက်ကြာခဲ့ပါတယ်။ အရာရှိကျတာက အဲဒီပွဲပါ။ G3 တစ်လက် , 79 တစ်လက်ရပါတယ်။ အရာရှိဖုန်းလည်း ရခဲဲ့ပါတယ်။ အရာရှိက ရဲအုပ်အဆင့်ပါ။ ဘုတလင်တိုက်ပွဲဖြစ်တဲ့နေ့တွေမှာ စစ်တပ်က ၁၀ ဦးသေတာပါ” ဟု Freedorm Revolution Force (FRF) မှ တာဝန်ရှိသူမှ ရန်ကုန်ခေတ်သစ်သတင်းဌာနသို့ပြောကြားသည်။
![](https://yktnews.com/wp-content/uploads/2023/10/387049530_676095197951423_5754243007502845451_n.jpg)
![](https://yktnews.com/wp-content/uploads/2023/10/387083747_676095244618085_2197952577003054474_n.jpg)