လိုင်ဇာမြို့အနီး နမ့်ဆန်ယန်ကျေးရွာဘက်တွင် စစ်တပ်က တိုက်လေယာဉ် များဖြင့် ဗုံးကျဲနေသည့်အပြင် လက်နက်ကြီးများဖြင့် ပစ်ခတ်နေ
ရန်ကုန်၊ အောက်တိုဘာ ၁၀
ကချင်ပြည်နယ်၊ လိုင်ဇာမြို့အနီး နမ့်ဆန်ယန်ကျေးရွာဘက်တွင် စစ်ကောင်စီ တပ်မှ တိုက်လေယာဉ်တချို့ ပျံဝဲ ဗုံးကျဲနေသည့်အပြင် လက်နက်ကြီးများဖြင့် ပစ်ခတ်နေ ကြောင်း လိုင်ဇာမြို့မှ ပြည်သူတချို့က ရန်ကုန်ခေတ်သစ် သတင်း ဌာန ထံသို့ ပြောဆိုသည်။
အောက်တိုဘာလ ၁၀ ရက်နေ့ ည ၈ နာရီ ၃၀ မိနစ်အချိန်မှစတင်၍ လက်ရှိ အချိန်အထိ စစ်ကောင်စီတပ်က တိုက်လေယာဉ်များဖြင့် ဗုံးကျဲခြင်း၊ လက်နက် ကြီးများဖြင့် ပစ်ခတ်ခြင်းများ ဆက်တိုက် လုပ်ဆောင်နေပြီး စစ်ဘေးရှောင် ပြည်သူများ ထွက်ပြေးတိမ်းရှောင်နေရကြောင်း သိရှိရသည်။
“နမ်ဆန်ယန်ဘက်မှာ လက်နက်ကြီးတွေ ကျနေတယ်။ လေယာဉ်နဲ့လည်း ဗုံးကျဲတယ်။ လိုင်ဇာနဲ့ နီးစပ်နေရာတွေကနေ ပျံတဲ့ စစ်လေယာဉ်တွေက တရုတ်အခြမ်းအထိ လေယာဉ်တွေက ပျံဝဲဝင်သွားတယ်ဆိုပြီးတော့ ပြောကြတာရှိတယ်။ ကျနော်တော့ မမြင်လိုက်ရဘူး။ ” ဟု စစ်ဘေးရှောင် များကို ကူညီနေသူ လိုင်ဇာမြို့မှ ပြည်သူတစ်ဦးက ပြောဆိုသည်။
