ကနီမြို့နယ်ရှိ ပြည်သူများကို ဖက်ဒရယ်သင်တန်းပို့ချ
ရန်ကုန်၊ အောက်တိုဘာ ၁၃
ကနီမြို့နယ်ရှိ ကျေးရွာများအုပ်စု တစ်စုအတွင်း နေထိုင်သော ပြည်သူများကို လူထုဖက်ဒရယ်လှုပ်ရှားမှုအနေဖြင့် Civil Federal Movement မှ ဖက်ဒရယ်သင်တန်းပို့ချခဲ့သည်။
စစ်ကိုင်းဖက်ဒရယ်ယူနစ်တွင် စစ်ရေးအခြေအနေအရ စစ်ကောင်စီ မရှိတော့သော နယ်မြေများတွင် ဖက်ဒရယ်စနစ်ကို မည်သို့တည်ဆောက်မည်၊ လက်ရှိနွေဦးတော်လှန်ရေး၏ နိုင်ငံရေးအခြေအနေသည် ဖက်ဒရယ်လမ်းကြောင်းဆီ ဦးတည် မတည်၊ တော်လှန်ရေး၏ နိုင်ငံရေးယန္တရားများသည် ဖက်ဒရယ်စနစ်အရ ဖွဲ့စည်းထား မထား၊ ပြည်သူများ၏ ဖက်ဒရယ်ရည်မှန်းချက်များအကြောင်း ဆွေးနွေးတိုင်ပင်ရင်း ဖက်ဒရယ်နိုင်ငံရေးစနစ်များအကြောင်း ရှင်းလင်းခဲ့ကြောင်း သိရှိရသည်။
