Khit Thit သတင်းဌာန၏ အောက်တိုဘာ ၂၁ ရက် ညနေပိုင်း ရုပ်သံသတင်းအစီအစဉ်
By ရန်ကုန်ခေတ်သစ်
ဒီကနေ့ အောက်တိုဘာ ၂၁ ရက် ညနေပိုင်းတင်ဆက်ပေးမယ့်သတင်းတွေကတော့
– ဧရာ၀တီတိုင်း၊ ဖျာပုံမြို့နယ်မှာ (ဖျာပုံ နဂါးနက် တပ်ဖွဲ့) ဝင်တွေလို့ စစ်ကောင်စီက စွပ်စွဲပြီး ဖမ်းဆီးထားတဲ့ အမျိုးသမီး တစ်ဦး အပါအဝင် လူငယ် ၁၅ ဦးကို သေဒဏ်တွေ ၊ မသေမချင်းကြိုးကွင်းစွပ်သတ် ပြစ်ဒဏ် တွေ နဲ့ နှစ်ရှည်ထောင်ဒဏ်တွေကို ခရိုင်တရားသူကြီး ဒေါ်သူဇာအေးက ချမှတ်လိုက်တယ်လို့ သိရပါတယ်။
– ပဲခူးတိုင်း၊ ဖြူးမြို့နယ်က အုတ်ဖြတ်-တံတားမှာရှိတဲ့ အကြမ်းဖက် စစ်ကောင်စီတပ် စခန်း နဲ့ လေးအိမ်စု- ကျေးရွာအတွင်း ဝင်ရောက် နေတဲ့ စစ်ကောင်စီတပ်သားတွေကို ရိုးမစစ်ကြောင်း ၂ နဲ့ ပူးပေါင်း အဖွဲ့တွေကနေ ဒရုန်းတွေနဲ့ ဗုံးကျဲ တိုက်ခိုက်ရာမှာ အကြမ်းဖက် စစ်ကောင်စီတပ်သား စုစုပေါင်း ၁၁ ဦး သေသွားတယ်လို့ တောင်ပိုင်းတိုင်း အထူးကွန်မန်ဒိုတပ်ရင်းရဲ့ တာဝန်ရှိသူတစ်ဦးက ရန်ကုန် ခေတ်သစ် ကိုပြောပါတယ်။
– မြန်မာစစ်တပ်ရဲ့ ရက်စက်ကြမ်းကြုတ်မှုတွေကို ရပ်တန့်နိုင်ဖို့ ကုလသမဂ္ဂလုံခြုံရေးကောင်စီက ထိရောက်တဲ့ အရေးယူမှုတွေ ဆောင်ရွက်ဖို့ ပြည်သူတွေ မျှော်လင့်နေပြီး ကုလသမဂ္ဂ အနေနဲ့ မြန်မာပြည်သူတွေအပေါ် တာဝန် မပျက်ကွက် သင့်ဘူးလို့ ကုလသမဂ္ဂဆိုင်ရာ မြန်မာသံအမတ်ကြီး ဦးကျော်မိုးထွန်းက ပြောဆိုလိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
