ရန်ကုန်၊ ရွှေတိဂုံစေတီနှင့် ဗိုလ်တထောင်စေတီတွင် ၁၀၂၇ စစ်ဆင်ရေး အောင်မြင်ရေးနှင့် ကိုးကန့်တပ်များ၏ အိမ်ပြန်ခရီး အောင်မြင်စေရေး ဆုတောင်း လှုပ်ရှား
ရန်ကုန်၊ အောက်တိုဘာ ၂၉
ရန်ကုန်မြို့ရှိ ရွှေတိဂုံစေတီနှင့် ဗိုလ်တထောင်စေတီတွင် ၁၀၂၇ စစ်ဆင်ရေး အောင်မြင်ရေးနှင့် ကိုးကန့်တပ်များ၏ အိမ်ပြန်ခရီး အောင်မြင်စေရေး ဆုတောင်း လှုပ်ရှားကြကြောင်း သိရှိရသည်။
ယနေ့ သီတင်းကျွတ်လပြည့်ည ရန်ကုန်မြို့ရှိ ရွှေတိဂုံဘုရားရင်ပြင် နှင့် ဗိုလ်တထောင်ဘုရားရင်ပြင်တွင် စစ်ဆင်ရေး ၁၀၂၇ နှင့် ကိုးကန့်တပ်များ၏ အိမ်ပြန်ခရီးအား အောင်မြင်ပါစေကြောင်း အောင်သပြေနှင့် လှုပ်ရှားမှုဖော်ဆောင်ခဲ့ကြောင်း၊ “ကိုးကန့်ညီအကိုတို့ ရဲ့ အိမ်ပြန်ခရီး အောင်မြင်ပါစေ”၊ “စစ်ဆင်ရေး ၁၀၂၇ အောင်မြင်ပါစေ” ဟူသော ရန်ကုန်ပြည်သူလူထု၏ အသံအား ထင်ဟပ်၍ ၎င်း စာသားများဖြင့် ရန်ကုန်မြို့ပြလူထုတိုက်ပွဲများဖော်ဆောင်နေသော တော်လှန်ရေးအင်အားစုများက ဆုတောင်း လှုပ်ရှားကြကြောင်း သိရှိရသည်။
