ခင်ဦးတွင် ” ပြည်သူ့အသံသာ ပြည်သူ့အာဏာ” ခေါင်းစဥ်ဖြင့် တော်လှန် ဆွမ်းဆန်စိမ်းလောင်း သပိတ်ပြုလုပ်
ရန်ကုန်၊ ဒီဇင်ဘာ ၅
ခင်ဦးမြို့နယ်တွင် ” ပြည်သူ့အသံသာ ပြည်သူ့အာဏာ” ခေါင်းစဥ်ဖြင့် တော်လှန် ဆွမ်းဆန်စိမ်းလောင်း သပိတ်ကို ဒီဇင်ဘာလ ၅ရက်နေ့တွင် ကျေးရွာတစ်ရွာ၌ ကျင်းပပြုလုပ်ခဲ့ကြသည်။
အဆိုပါ တော်လှန် ဆွမ်းဆန်စိမ်းလောင်း သပိတ်တွင် ဆရာတော်အပါး ၃၀မှ ဆွမ်းဆန်တော်အလှူခံကြွရောက်တော်မူခဲ့ပြီး ပြည်သူ ၂၀၀ ကျော်က ဆွမ်းဆန်စိမ်း စုပေါင်းလောင်းလှူရင်း NUG-အမျိုးသားညီညွတ်ရေးအစိုးရအား ထောက်ခံကြိုဆိုခဲ့၍ ၁၀၂၇ စစ်ဆင်ရေးကိုလည်း ကြိုဆိုခဲ့ကြကြောင်း သိရှိရသည်။
