ဆီဆိုင်မြို့နယ်တွင် စစ်တပ်က စစ်ကြောင်းထိုးလာသဖြင့် တိုက်ပွဲဖြစ်ပြီး စစ်တပ်ဘက်မှ ၂ ဦးသေဆုံး၊ စစ်တပ်က လေ ကြောင်းမှ ဗုံးကျဲခြင်းနှင့် လက်နက်ကြီး ပစ်ခတ်ခြင်းတို့ကြောင့် ဘုန်းကြီးကျောင်းနှင့်ကျေးရွာများ ပျက်စီး
ရန်ကုန်၊ မတ် ၁၆
ရှမ်းပြည်နယ်တောင်ပိုင်း၊ ဆီဆိုင်မြို့နယ်တွင် စစ်တပ်က စစ်ကြောင်းထိုးလာသဖြင့် တိုက်ပွဲဖြစ်ပြီး စစ်သား ၂ ဦးသေဆုံးကြောင်း PNLA က တရားဝင်သတင်းထုတ်ပြန်သည်။
မတ်လ ၁၅ ရက်နေ့ ဆီဆိုင်မြိုနယ် အနောက်ဘက်တစ်နေရာတွင် စစ်ကောင်စီတပ်ဖွဲ့ဝင်များက စစ်ကြောင်းထိုးလာသဖြင့် တိုက်ပွဲဖြစ်ပွားရာ စစ်ကောင်စီ တပ်ဖွဲဝင် ၂ ဦး ထိခိုက်သေဆုံးခဲ့ကြောင်း၊ စစ်တပ်က ဆိုက်ခေါင်စံပြကျေးရွာနှင့် ဆီဆိုင်မြိုအရှေ့မြောက်ဘက်ရှိ မွေတော်ဘုရားကုန်းတွင် တပ်စွဲပြီး ဆီဆိုင်မြိုတွင်းသို လက်နက်ကြီးများ ပစ်ခတ်ပြီး မြိုကိုဆက်လက်ဖျက်ဆီးနေကြောင်း PNLA က ဆိုသည်။
မတ်လ ၁၅ ရက်နေ့ မွန်းလွဲ ၁ နာရီ ၃၀ မိနစ်အချိန် စစ်ကောင်စီက ဆီဆိုင်မြို့နယ် ထမ်းယံကျေးရွာဘုန်းတော်ကြီးကျောင်းကို ပေါင် ၅၀၀ ဗုံး ၂ လုံးဖြင့် ကျဲချတိုက်ခိုက်ခဲ့ရာ ဘုန်းတော်ကြီးကျောင်းထိခိုက်ပျက်စီးခဲ့ရကြောင်း၊
အလားတူ ယမန်နေ့ ညနေခင်း ၅ နာရီအချိန်တွင်လည်း စစ်ကောင်စီသည် ထမ်းယံကျေးရွာဘုန်းတော်ကြီးကျောင်းနှင့် ကျေးရွာအတွင်းသို မီးလောင်ဗုံးဖြင့် လေးကြိမ် ထပ်မံဗုံးကျဲတိုက်ခိုက်ခဲ့ကြောင်း၊ ထိုသို့တိုက်ခိုက်မှုကြောင့် ထမ်းယံကျေးရွာအတွင်းရှိ နေအိမ် ၂ လုံး မီးလောင်ပျက်စီးခဲ့ရကြောင်း သိရှိရသည်။
![](https://yktnews.com/wp-content/uploads/2024/03/431919809_769914911902784_5938474182770790164_n.jpg)
![](https://yktnews.com/wp-content/uploads/2024/03/432444786_769914988569443_5102343071483603124_n.jpg)
![](https://yktnews.com/wp-content/uploads/2024/03/432287120_769914951902780_7296564820561099068_n.jpg)
![](https://yktnews.com/wp-content/uploads/2024/03/432436408_769914861902789_7277209990894762083_n.jpg)