ပလမြို့တွင်းရှိ စစ်တပ်အတွက် ရိက္ခာ၊ လက်နက်ခဲယမ်းသယ်ပို့ပေးနေသည့် စက်လှေ တစ်စီးကို မီးရှို့ဖျက်ဆီး
ရန်ကုန်၊ မတ် ၃၁
တနင်္သာရီတိုင်း၊ ပုလောမြို့နယ်၊ ပလမြို့တွင်းအထိ ဝင်ရောက်ပြီး စစ်တပ်အတွက် ရိက္ခာ၊ လက်နက် ခဲယမ်းများကို သယ်ပို့ပေးနေသည့် စက်လှေတစ်စီးကို မီးရှို့ဖျက်ဆီးခဲ့ကြောင်း မြိတ်ခရိုင် အမှတ် ၁ တပ်ရင်းမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ယမန်နေ့ မတ်လ ၃၀ ရက်နေ့က ပုလောမြို့နယ်၊ ပလမြို့နယ်ခွဲ၊ အမှတ် ၄ ရပ်ကွက်၊ အောင်သီဟ လမ်းနေ ဦးဝင်းနိုင်+ဒေါ်ဝင်းဝင်းမော်တို့သည် စစ်ကောင်စီနှင့် ပူးပေါင်းကာ မူးယစ်ဆေးဝါးရောင်း ဝယ်ဖောက်ကားခြင်း၊ အကြမ်းဖက် ဖက်ဆစ်တပ်၏လူ၊ ရိက္ခာ၊ လက်နက်ခဲယမ်းများကို ၎င်းတို့ပိုင် ဆိုင်သည့် စက်လှေဖြင့် သယ်ယူပို့ဆောင်ပေးနေသည်ဟု ထောက်လှမ်းသိရှိထားဖြင့် အကြိမ်ကြိမ် မေတ္တာရပ်ခံသတိပေးခဲ့ရာ လိုက်နာခြင်းမရှိသဖြင့် မြို့တွင်းအထိရောက်ကာ ယင်းစက်လှေကို မီးရှို့ ဖျက်ဆီးခဲ့ခြင်းဖြစ်ကြောင်း သိရသည်။
“မြို့ထဲအထိ ဝင်စီးခဲ့တာပါ၊ လူကိုဖမ်းဆီးခဲ့တာ၊ ပစ္စည်းတွေ သိမ်းဆည်းရရှိခဲ့တာမျိုးမရှိပါဘူး၊ စစ်ခွေး တွေနဲ့ ထိတွေ့တိုက်ပွဲ အနည်းငယ်ပဲ ဖြစ်ခဲ့ပါတယ်၊ စစ်ခွေးသေဆုံးမှုရှိသလို ကျနော်တို့ ရဲ ဘော်တွေလည်း အထိအခိုက်မရှိပါဘူး” ဟု မြိတ်ခရိုင် အမှတ် ၁ တပ်ရင်းမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။
ထို့သို့ ပလမြို့အား စီးနင်းစဉ်အတွင်း အကြမ်းဖက် ဖက်ဆစ်စစ်တပ်နှင့် ထိတွေ့ပစ်ခတ်မှုအနည်း ငယ်ဖြစ်ပွားခဲ့ပြီး တိုက်ပွဲဖြစ်စဉ် ကြီးကြီးမားမား မရှိခဲ့ပဲ အကြမ်းဖက် ဖက်ဆစ်စစ်တပ်က လက်နက် ကြီး၊ လက်နက်ငယ်များဖြင့် ရမ်းသမ်း ပစ်ခတ်ခဲ့ကြောင်း သိရသည်။
ပုလောမြို့နယ်အတွင်းရှိ စစ်ကောင်စီ၏ ထောက်တိုင်များနှင့် စစ်ကောင်စီအကျိုးစီးပွား တိုးပွား အောင် ဆောင်ရွက်နေသူများအနေဖြင့် မိမိတို့လုပ်ရပ်များကို ရပ်တန်းက ရပ်ပါရန်နှင့် သတိပေး ချက်ကို လေးစားလိုက်နာမှု မရှိဘဲ စစ်ကောင်စီနှင့် ဆက်လက်ပူးပေါင်းနေမည်ဆိုပါကချေမှုန်းခံရ မည်ဖြစ်ကြောင်း မြိတ်ခရိုင်အမှတ် ၁ တပ်ရင်းက ထုတ်ပြန်ထားသည်။
