စလင်းမြို့နယ်ရှိ ကျေးရွာချင်းဆက် လမ်းပိုင်းများကို တော်လှန်ရေး တပ်ဖွဲ့များက ဖောက်လုပ်ခြင်းနှင့် ရှောင်တခင် စစ်ဆေးမှုများ ပြုလုပ်
ရန်ကုန်၊ ဇူလိုင် ၁
မကွေးတိုင်း၊ စလင်းမြို့နယ်ရှိ ကျေးရွာချင်းဆက် လမ်းပိုင်းများကို တော်လှန်ရေး တပ်ဖွဲ့များက ဖောက်လုပ်ခြင်းနှင့် ရှောင်တခင် စစ်ဆေးမှုများ ပြုလုပ်ခဲ့ကြောင်း စလင်းပြည်သူ့ကာကွယ်ရေးတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
မကွေးတိုင်း အခြေစိုက် စလင်းပြည်သူ့ကာကွယ်ရေးအဖွဲ့ (စလင်း- ပကဖ) သည် မြို့နယ် တိုက်ခိုက်ရေး ရဲဘော်အင်အား ၃၀ ကျော်ဖြင့် စိုးမိုးနယ်မြေ Zone-3 အတွင်း၌ လမ်းပိုင်းများ ဖောက်လုပ်ခြင်း၊ အရပ်သား ပြည်သူများ မိုးတွင်းကာလ သွားလာရ လွယ်ကူစေရန် လမ်းများ ပြုပြင်ခြင်းနှင့် ကျေးရွာချင်းဆက်လမ်းပိုင်များကို လုံခြုံရေးတိုးမြှင့်နိုင်ရန် ရှောင်တခင် စစ်ဆေးမှုများ ၂ ရက်ဆက်တိုက်ပြုလုပ်ခဲ့ခြင်းဖြစ်ကြောင်း သိရသည်။
