မြင်းမူမြို့နယ်တွင် နွေဦး ရုပ်ရှင်ပြပွဲနှင့် စစ်ဘေးအန္တရာယ်ကာကွယ်ရေး အသိပညာပေး လှုံဆော်မူပြုလုပ်
ရန်ကုန်၊ ဇူလိုင် ၂၅
မြင်းမူမြို့နယ်ရှိ ကျေးရွာများတွင် မုံရွာလူထုသပိတ်တိုက်ပွဲဦးဆောင်ကော်မတီက မြင်းမူလူငယ်များနှင့် လက်တွဲ၍ နွေဦး ရုပ်ရှင်ပြပွဲနှင့် စစ်ဘေးအန္တရာယ်ကာကွယ်ရေးအတွက် ဆောင်ရန် ၊ ရှောင်ရန် များ နှင့် ပြင်ဆင်ဆောင်ရွက်ရန်များကို အသိပညာပေး လှုံဆော်တိုက်တွန်းခဲ့ကြကြောင်း သိရှိရသည်။
လျှပ်စစ်ပြတ်တောက်ချိန် ကျေးရွာလူထုက ဖုန်းမီးများဖြင့် တော်လှန်ရေးသီချင်းများကို သံပြိုင်သီဆိုခဲ့ကြပြီး ရွာလူထုလုံခြုံရေးအတွက် ကျေးရွာကာကွယ်ရေးအဖွဲ့များက လုံခြုံရေးယူကာ ပူးပေါင်းပါဝင်ခဲ့ကြကြောင်း၊ ထို့ပြင် တူမီးတော်လှန်ရေး စာစဥ်၊ လူထုလက်စွဲ စာစောင် အုပ်ရေ ၁၀၀ ခန့်ကိုလည်း ကျေးရွာလူထုထံ ဖြန့်ဝေပေးခဲ့ကြကြောင်း သိရှိရသည်။
