ထန်တလန်မြို့ပတ်ဝန်းကျင်ရှိ စစ်ကောင်စီတပ်များအတွက် လေယာဉ်ဖြင့်လာချပေးသည့် အစာအာဟာရတောင့်များကို ချင်းတပ်ဖွဲ့က သိမ်းဆည်းရရှိ
ရန်ကုန်၊ ဩဂုတ် ၂၄
ချင်းပြည်နယ်၊ ထန်တလန်မြို့ပတ်ဝန်းကျင်ရှိ စစ်ကောင်စီတပ်များအတွက် လေယာဉ်ဖြင့်လာချပေးသည့် အစာအာဟာရတောင့်များကို ချင်းတပ်ဖွဲ့က သိမ်းဆည်းရရှိကြောင်း ချင်းတော်လှန်ရေးတပ်သတင်းရင်းမြစ်ထံမှ သိရှိရသည်။
ဩဂုတ် ၂၃ ရက်နေ့ နံနက်ပိုင်း ထန်တလန်မြို့သို့ Y12 လေယာဉ်ဖြင့် အစာအာဟာရတောင့်များကို ချထားပေးခြင်းဖြစ်ပြီး ယင်းအစာအာဟာရတောင့်များကို ချင်းတော်လှန်ရေးတပ်ဖွဲ့က သိမ်းဆည်းရရှိခြင်းဖြစ်ကြောင်း၊ အဆိုပါ ရိက္ခာတောင့်များနှင့်အတူ မည်သို့ စားသုံးရမည်ဆိုသော အညွန်းစာများပါ ပါဝင်ကြောင်း သိရှိရသည်။
“မနေ့မနက်ပိုင်း ထန်တလန်မှာ Y12 လေယာဉ်ကနေ လာချတာကို ကျနော်တို့ ဘက်က သိမ်းဆည်းရရှိတာပါ။ အထဲမှာ အညွန်းစာထည့်ရေးထားတာ” ဟု ချင်းတော်လှန်ရေး သတင်းရင်းမြစ်က ဆိုသည်။
