ထိုင်းအစိုးရက ဖမ်းဆီးထားသော မြန်မာ ၁၃၁ ဦးကို ရနောင်းမှတစ်ဆင့် စစ်ကောင်စီလက်ထဲ ပြန်လည် လွှဲပြောင်း၊ စစ်ကောင်စီက ကိုယ်ရေးအချက်အလက်များ စိစစ်ကောက်ယူနေပြီး လိုအပ်သော စစ်ဆေးမှုများလုပ်ဆောင်
ရန်ကုန်၊ စက်တင်ဘာ ၇
ထိုင်းအစိုးရက ထိုင်းနိုင်ငံအတွင်း အကြောင်းအမျိုးမျိုးကြောင့် ဖမ်းဆီးထားသော မြန်မာ ၁၃၁ ဦးကို ရနောင်းမှတစ်ဆင့် စစ်ကောင်စီလက်ထဲ ပြန်လည် လွှဲပြောင်းလိုက်ကြောင်း စစ်ကောင်စီ၏ သတင်းထုတ်ပြန်ချက်အရ သိရှိရသည်။
စက်တင်ဘာလ ၆ ရက်နေ့ နေရပ်ပြန်မြန်မာရွှေ့ပြောင်းအလုပ်သမားများနှင့် ထိုင်းနိုင်ငံအတွင်း အကြောင်းအမျိုးမျိုးကြောင့် ဖမ်းဆီးခံရသူများကို ထိုင်းနိုင်ငံ၊ရနောင်းမြိုမှတဆင့် မြန်မာနိုင်ငံ၊ကော့သောင်းမြို့ သိုရေလမ်းခရီးဖြင့် တာဝန်ရှိအဖွဲအစည်းများထံသို့ လွှဲပြောင်းပေးအပ်ခဲ့ရာ အမျိုးသား ၁၂၂ ဦး၊ အမျိုးသမီး ၉ ဦး စုစုပေါင်း ၁၃၁ ဦး ကော့သောင်းမြို့၊ ဘုရင့်နောင်ဆိပ်ကမ်းသို့ ပြန်လည် ရောက်ရှိခဲ့ကြောင်း သိရှိရသည်။
စစ်ကောင်စီက နေရပ်ပြန်များကို ပြန်လည်လက်ခံရာတွင် ကိုယ်ရေးမှတ်တမ်းများကောက်ယူခြင်းနှင့် စစ်ဆေးမှုဆောင်ရွက်၍နေရပ်ဒေသအသီးသီးသို့ စနစ်တကျပြန်လည် ပို့ဆောင်ပေးသွားမည်ဖြစ်ကြောင်း သိရှိရသည်။
