မုံရွာ-အရာတော် လမ်းပိုင်းတွင် စစ်ကြောင်းထိုး တပ်စွဲထားသော စစ်သားများနှင့် ယာဉ်တန်းကို ၃ ကြိမ် တိုက်ခိုက်မှု စစ်တပ်ဘက်မှ ထိခိုက်သေဆုံးမှု များပြား
ရန်ကုန်၊ စက်တင်ဘာ ၁၇
စစ်ကိုင်းတိုင်း၊ မုံရွာ-အရာတော် လမ်းပိုင်းကို စစ်ကြောင်းထိုး တပ်စွဲထားသော အကြမ်းဖက် စစ်သားများနှင့် ယာဉ်တန်းကို ၃ ကြိမ် တိုက်ခိုက်ရာ စစ်တပ်ဘက်မှ ထိခိုက်သေဆုံးမှု များပြားကြောင်း မုံရွာမြို့နယ် ပြည်သူ့ကာကွယ်ရေးအဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။
စက်တင်ဘာလ ၄ ရက်နေ့မှ ၉ ရက်နေ့ထိ မုံရွာ-အရာတော် လမ်းပိုင်းအတွင်း စစ်ကြောင်းထိုး အထိုင်ချ တပ်စွဲထားသော အကြမ်းဖက် စစ်ကောင်စီ တပ်သားများနှင့် ယာဉ်တန်းကို ရာသီဥတု အခက်အခဲများ ကြားမှ တော်လှန်ရေး တပ်ဖွဲ့များက ရက်ရှည်ကင်းပုန်းဝပ်၍ ပြောက်ကြား တိုက်ခိုက်မှု ၃ ကြိမ် ပြုလုပ်ခဲ့ကြောင်း သိရသည်။
ယင်း တိုက်ခိုက်မှု အတွင်း အကြမ်းဖက် စစ်တပ်ဘက်မှ ထိခိုက်ကျဆုံးမှုများ ပြားသော်လည်း အရေအတွက်အတိအကျကို စုံစမ်းနေဆဲဖြစ်ကြောင်း၊ တော်လှန်ရေး အင်အားစုများဘက်မှ ရဲဘော် ၁ ဦး ထိခိုက်ဒါဏ်ရာ (မစိုးရိမ်ရ) ရရှိခဲ့ပြီး အောင်မြင်စွာ ဆုတ်ခွာနိုင်ခဲ့ကြောင်း သိရှိရသည်။
အဆိုပါ တိုက်ခိုက်မှုကို မုံရွာမြို့နယ် ပကဖ၊ မုံရွာမြို့နယ်ပလဖ၊ မုံရွာခရိုင် အမှတ် (၁) တပ်ရင်း တို့မှ ဦးဆောင်ပြီး တိုက်နယ် ပကဖ၊ရပ်ကေျးပကဖနှင့်အခြား Local မဟာမိတ် တော်လှန်ရေး အင်အားစုများက ပူးပေါင်း လုပ်ဆောင်ခဲ့ကြောင်း သိရသည်။
