ပေါက်မြို့နယ် ကိုင်းလယ်ရဲစခန်းမှ ရဲတပ်သား ၁ ဦး သေနတ် ၁ လက် ယူဆောင်လာပြီး အလင်းဝင်
မကွေးတိုင်း၊ ပေါက်မြို့နယ်၊ ကိုင်းလယ်ရဲစခန်းမှ ရဲတပ်သား ၁ ဦးသည် သေနတ် ၁ လက် ယူဆောင်လာပြီး အလင်းဝင်ရောက်ခဲ့ကြောင်း ပခုက္ကူခရိုင်တပ်ရင်း ၁၂ က ပြောဆိုသည်။
ဇန်နဝါရီလ ၄ ရက်နေ့တွင် ကိုင်းလယ်ရဲစခန်းမှ ရဲတပ်သား ၁ ဦးသည် ပခုက္ကူခရိုင်တပ်ရင်း ၁၂ ထံ အလင်းဝင်ရောက်ခဲ့ခြင်းဖြစ်ကြောင်း သိရသည်။
ထို အလင်းဝင်လာသော ရဲတပ်သား ၁ ဦးသည် G3 သေနတ် ၁ လက်၊ G3 ကျည်ဆံ အတောင့် ၁၈၀ ၊ ကျည်ဘောက် ၂ ခု ၊ လက်ပစ်ဗုံး ၁ လုံးနှင့် အတူ အလင်းဝင်ရောက်လာခြင်း ဖြစ်ကြောင်း သိရှိရသည်။
အဆိုပါ အလင်းဝင်ရောက်လာသော ရဲတပ်သားကို ပခုက္ကူခရိုင် တပ်ရင်း ၁၂ က စောင့်ရှောက်ထားပြီး ထပ်မံ အလင်း ဝင်ရောက်လိုသော စစ်ကောင်စီ တပ်သားများကိုလည်း ကြိုဆိုလျက်ရှိကြောင်း တပ်ရင်း ၁၂ က အသိပေး ပြောဆိုထားသည်။
