Khit Thit သတင်းဌာန၏ ဇန်နဝါရီ ၂၅ ရက် ညနေပိုင်း ရုပ်သံသတင်းအစီအစဉ်
ဒီကနေ့ ဇန်နဝါရီ ၂၅ ရက် ညနေပိုင်း တင်ဆက်ပေးမယ့် သတင်းတွေကတော့
-နိုင်ငံတစ်ဝှမ်း အကြီးအကျယ် စစ်ရှုံးနေတဲ့ အကြမ်းဖက် စစ်ခေါင်းဆောင် မင်းအောင်လှိုင်ဟာ ရန်ကုန်မြို့က သု၀ဏ္ဏအားကစားကွင်းမှာ ကျင်းပနေတဲ့ တရုတ်နှစ်သစ်ကူးပွဲတော်ကို လုံခြုံရေးတင်းကြပ်ပြီး သွားတက်နေပြန်လို့ စစ်တပ်သတင်းရင်းမြစ်က ရန်ကုန်ခေတ်သစ်ကို ပြောပါတယ်။
အာရက္ခတပ်တော် AA နဲ့ PDF ပူးပေါင်းတပ်တွေ ထိုးဖောက်ဝင်ရောက်လာတဲ့ ဧရာဝတီတိုင်းက ရွှေသောင်ယံမြို့၊ ဘောမိကျေးရွာ တိုက်ပွဲအတွင်း ဒဏ်ရာတွေ ရပြီး ဆေးရုံမှာ အသက်လုရင်းနဲ့ပဲ အသီးသီး သေကုန်ကြတဲ့ စစ်ကောင်စီတပ်သားတွေ နဲ့ အရာရှိတွေရဲ့ မသာအလောင်းတွေကို ရွှေမြင်တင် မီးသဂြိုလ်စက်မှာ စစ်တပ်က လုံခြုံရေးတွေ တင်းကျပ်ပြီး သဂြိုလ်နေကြတယ်လို့ ဒေသတွင်း သတင်း ရင်းမြစ်တွေက ရန်ကုန်ခေတ်သစ်ကို ပြောပါတယ်။
အကြမ်းဖက် စစ်ကောင်စီအတွက် စစ်မှုထမ်းတပ်သားသစ် အရေအတွက်တွေ တိုးမြှင့်ခေါ်ယူဖို့ ဦးကိုကိုကြီး နဲ့ ဒေါက်တာအေးမောင် တို့ရဲ့ ပါတီတွေ အပါအဝင် နိုင်ငံရေးပါတီတွေက အကြံပြု တိုက်တွန်းထားကြတယ်ဆိုပြီး စစ်ကောင်စီကနေ တရားဝင် သတင်းထုတ်ပြန်လိုက်တဲ့ သတင်းအပါအဝင် နောက်ဆုံးရသတင်းတွေကို တင်ဆက်ပေးပါမယ်။
