ပွင့်ဖြူမြို့နယ်၊ ရေပုတ်ကြီးကျေးရွာမှ စစ်တပ်နှင့်ပျူစောထီးများကို တိုက်ခိုက်မှု ၃ ဦးသေဆုံးပြီး လက်နက်ခဲယမ်းတချို့ သိမ်းဆည်းရရှိ
မကွေးတိုင်း၊ ပွင့်ဖြူမြို့နယ်၊ ရေပုတ်ကြီးကျေးရွာမှ စစ်တပ်နှင့်ပျူစောထီးများကို တော်လှန်ရေးတပ်များက တိုက်ခိုက်ခဲ့ရာ ပျူစောထီး ၃ ဦးသေဆုံးပြီး လက်နက်ခဲယမ်းတချို့ သိမ်းဆည်းရရှိကြောင်း Earthquake People’s Defense Forceမှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဖေဖော်ဝါရီလ ၂၇ ရက်နေ့ နံနက် ၆ နာရီခန့်အချိန် မကွေးတိုင်း၊ ပွင့်ဖြူမြိုနယ်၊ ရေပုတ်ကြီးကျေးရွာမှ အကြမ်း ဖက် စစ်တပ်နှင့် ပျူစောထီးများကို တော်လှန်ရေးတပ်များက တိုက်ခိုက်ခဲ့ကြောင်း၊ ထိုသို့ တိုက်ခိုက်မှုအတွင်း ရေပုတ်ကြီးရွာမှ ပျူစောထီးအဖွဲ့ဝင် ၃ ဦး သေဆုံးပြီး ၃ ဦး အပြင်းအထန် ဒဏ်ရာရရှိကြောင်း၊ ထို့ပြင် အဆိုပါ ပျူစောထီးများထံမှ ကာဘိုင် သေနတ် ၁ လက်၊ ကျည် ၁၄၉ တောင့်၊ ကျည်ဘောက် ၂ ဘောက် ၊ G3 ကျည် ၁၁ တောင့်၊ ကျည်ဘောက်စပရိန် ၁ ခု ၊ ဓားမြှောင် ၁ ချောင်း ၊ ဖုန်း ၅ လုံး၊ Power Bank ၂ လုံးတို့ကို သိမ်းဆည်းရရှိခဲ့ကြောင်း၊ လတ်တလော စစ်တပ်နှင့် တော်လှန်ရေးတပ်များအကြား စစ်ရေးတင်းမာနေကြောင်း သိရှိရသည်။
“ကျောင်းကုန်းကြီးကနေတော့ စစ်ကူစစ်ကြောင်းထိုးလာတာတော့ရှိပါတယ်” ဟု Earthquake People’s Defense Forceမှ တာဝန်ရှိသူကရှင်းပြသည်။
တော်လှန်ရေးတပ်များနှင့် စစ်ကောင်စီတပ်များအကြား တိုက်ပွဲ ဖြစ်ပွားနေစဥ်အတွင်း အကြမ်းဖက် စစ်တပ် က MI-35 ရဟတ်ယာဉ်ဖြင့် ၅ ကြိမ် ပစ်ကူပေး တိုက်ခိုက်ခဲ့ကြောင်း သိရှိရသည်။
စစ်ဆင်ရေးတိုက်ခိုက်မှုများကို မင်းဘူးခရိုင် အမှတ်-၄ တပ်ရင်း၊ မဟာမိတ် တပ်ပေါင်းစုများဖြစ်သော ပေါက် ၊ မြိုင်စုဖွဲမှု ပကဖ၊ Young Force (PKU) ၊ Joker ပြောက်ကျားတပ်ဖွဲနှင့် မိမိတို Earthquake People’s Defense Force တိုက ပူးပေါင်း လုပ်ဆောင်ခဲ့ခြင်းဖြစ်ပါသည်။
