နောင်ချိုမြို့နယ် တောင်ခမ်းရွာရှိ ၉၀၂ စစ်တပ် စခန်းမှ စစ်ကောင်စီ တပ်သား ၃ ဦး သေနတ် ၃ လက်ယူဆောင်ပြီး အလင်းဝင်
ရှမ်းပြည်နယ်၊ နောင်ချိုမြို့နယ် တောင်ခမ်းကျေးရွာရှိ အကြမ်းဖက် စစ်တပ်၏ ၉၀၂ တပ်စခန်းမှ အကြမ်းဖက် စစ်ကောင်စီ တပ်သား ၃ ဦး သေနတ် ၃ လက် ယူဆောင်လာပြီး အလင်းဝင်ရောက်ခဲ့ကြောင်း PSLF/TNLA သတင်းနှင့်ပြန်ကြားရေးဌာနက ပြောဆိုသည်။
မတ်လ ၂၈ ရက်နေ့ မွန်းလွဲ ၃ နာရီခန့်တွင် တအာင်းတပ်မတော် TNLAတပ်ဖွဲထံ စစ်ကောင်စီ တပ်သား ၃ ဦးသည် သေနတ် ၃ လက် ယူဆောင်လာပြီး အလင်းဝင်ရောက်ခဲ့ခြင်းဖြစ်ကြောင်း သိရသည်။
ထို့ပြင် တိုက်ပွဲအတွင်းတွင်လည်း ၎င်းတို့ကို ဦးဆောင်ခဲ့သော ဗိုလ်ကြီးအဆင့်ရှိသူ ၁ ဦးသည်လည်း သေဆုံးခဲ့ပြီး ဦးဆောင်မည့်သူ မရှိ၍ ထွက်ပြေးလာခြင်းဖြစ်ကြောင်း အလင်း၀င်ရောက်လာစဉ် ပြောဆိုခဲ့ကြောင်း သိရှိရသည်။
တအာင်းတပ်မတော် TNLA တပ်ဖွဲထံ လာရောက် အလင်းဝင်သော စစ်ကောင်စီ တပ်သား ၃ ဦးကို PSLF/TNLA အဖွဲ့က ထိန်းသိမ်း ကာကွယ်စောင့်ရှောက်သွားမည်ဖြစ်ကြောင်း၊ ပြီးခဲ့သည့် ၂၀၂၄ ခုနှစ် အောက်တိုဘာ ၁၂ ရက်နေ့ကလည်း သီပေါမြို့ အခြေစိုက်တပ်စွဲထားသည့် စစ်ကောင်စီ လက်အောက်ခံ ခြေမြန်တပ်ရင်း (၅၀၃)နှင့် (၅၀၄)စခန်းတို့ကို တိုက်ခိုက်သိမ်းပိုက်စဥ် ဖမ်းဆီးရမိထားသည့် တပ်မိသာစုးဝင် ၁၉၁ ဦးကို PSLF/TNLA က လူသားချင်းစာနာထောက်ထားသောအားဖြင့် ပြန်လွှတ်ပေးခဲ့ကြောင်း PSLF/TNLA သတင်းနှင့်ပြန်ကြား ရေးဌာနက ပြောဆိုသည်။
