ဒီကနေ့ ဩဂုတ် ၁၆ ရက် မနက်ပိုင်း တင်ဆက်ပေးမယ့် သတင်းတွေကတော့
-အကြမ်းဖက်စစ်ကောင်စီက ပြုလုပ်ဖို့ရှိနေတဲ့ ရွေးကောက်ပွဲမှာ ပါဝင်ယှဉ်ပြိုင်မဲဆွယ်ကြမယ့် လွှတ်တော် ကိုယ်စားလှယ်လောင်းတွေနဲ့ နိုင်ငံရေးပါတီတွေအနေနဲ့ စစ်အာဏာသိမ်းမှု၊ စစ်မှုထမ်းဥပဒေနဲ့ ပဋိပက္ခတွေ အပေါ် အနုတ်လက္ခဏာ ဝေဖန်မဲဆွယ်မှုတွေ မလုပ်ဖို့အပါအဝင် စည်းကမ်းချက်တွေ လိုက်နာဖို့ မင်းအောင်လှိုင်က ညွှန်ကြားလာတယ်လို့ နေပြည်တော်စစ်ဘက်သတင်းရင်းမြစ်က ပြောပါတယ်။
အိန္ဒိယအစိုးရအနေနဲ့ စစ်အုပ်စုထံ စစ်လက်နက်ရောင်းချမှုတွေနဲ့ စစ်ဘက်ဆိုင်ရာပူးပေါင်းဆောင်ရွက်မှု တွေကို ချက်ချင်းအဆုံးသတ်ဖို့ Justice For Myanmar (JFM) က ထုတ်ပြန်တောင်းဆိုလိုက်ပါတယ်။
စစ်ကိုင်းတိုင်း၊ ကလေးမြို့နယ် မြောက်ပိုင်းတိုက်နယ်ဆေးရုံကို အကြမ်းဖက်စစ်တပ်က လေယာဉ်နဲ့ ဗုံးကျဲ တိုက်ခိုက်ခဲ့တာကြောင့် အဆောက်အဦးတွေ ပျက်စီးခဲ့တယ်လို့ People’s Healthcare Network – KALAY အဖွဲ့က ထုတ်ပြန်ထားတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။
