ဒီကနေ့ ဩဂုတ် ၃၁ ရက် မနက်ပိုင်း တင်ဆက်ပေးမယ့် သတင်းတွေကတော့
-NLD အစိုးရက ဆိုင်းငံ့ တားမြစ်ခဲ့တဲ့ ပုသိမ်မြို့ Green Land City စီမံကိန်းကို စစ်တပ် နဲ့ တိုင်း ဝန်ကြီးချုပ် တင်မောင်ဝင်းက တက်သုတ်ရိုက် အကောင် အထည်ဖော်နေပြီး ၊ စစ်ဘက်နဲ့ အရပ်ဘက် အရာရှိတွေက မြေကွက်တွေကို ခွဲတမ်းတွေယူထားကြတယ်လို့ ပုသိမ်မြို့အခြေစိုက် ဒေသတွင်း သတင်းရင်းမြစ်က ပြောပါတယ်။
-စစ်ကိုင်းမြို့နယ်က ရုံးပင်ကန် ကျေးရွာမှာ တပ်စွဲထားတဲ့ အကြမ်းဖက် စစ်ကောင်စီတပ်စခန်းကို တော်လှန်ရေးပူးပေါင်းတပ်တွေက ဝင်ရောက်တိုက်ခိုက်ခြေမှုန််းမှုအတွင်း စစ်ကောင်စီတပ်သား ၅ ဦးကတော့ အသီးသီး သေကုန်ကြတဲ့အပြင် ကျန်တဲ့စစ်သားတွေကတော့ အကုန်လုံးထွက်ပြေးသွားကြပြီး စစ်အအုံးအဆောင်ပစ္စည်းတချို့ကိုပါသိမ်းဆည်းရရှိခဲ့တယ်လို့ PHOENIX (SGG)တပ်ဖွဲ့ရဲ့ တာဝန်ရှိသူတစ်ဦးက ရန်ကုန်ခေတ်သစ်ကို ပြောပါတယ်။
-အကြမ်းဖက် စစ်ကောင်စီတပ်ရဲ့ အရပ်သားပြည်သူတွေကို ပစ်မှတ်ထားတိုက်ခိုက်နေတဲ့ လေကြောင်း အန္တရာယ်ကြောင့် ရခိုင်ပြည်နယ် ပုဏ္ဏားကျွန်းမြို့နယ်နေ ကျေးရွာ ၅ ရွာထက်မနည်းက ပြည်သူတွေဟာ ဘေးလွတ်ရာကို တိမ်းရှောင်နေရတယ်လို့ သိရပါတယ်။
– ထိုင်းနိုင်ငံကနေ တစ်ဆင့် မလေးရှားနိုင်ငံကို သွားရောက် အလုပ်လုပ်ကြမည့် တရားမဝင် မြန်မာနိုင်ငံသား ၅၂ ဦးကို ထိုင်းအာဏာပိုင်တွေက ဖမ်းဆီးရရှိခဲ့ပြန်သလို အဖမ်းခံရသူအားလုံးဟာ ရန်ကုန်မြို့က လာရောက်ကြသူတွေဖြစ်တယ်ဆိုတဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။
