ဒီကနေ့ နိုဝင်ဘာ ၂၉ ရက် မနက်ပိုင်း တင်ဆက်ပေးမယ့် သတင်းတွေကတော့
-အနောက်မြောက်တိုင်းစစ်ဌာနချုပ်နယ်မြေဖြစ်တဲ့ စစ်ကိုင်းတိုင်းနဲ့ ချင်းပြည်နယ်မှာ စစ်ဆင်ရေးကျရှုံးမှု၊ လာဘ်ပေးလာဘ်ယူမှုတွေနဲ့ အရေးယူခံရတဲ့ နမခတိုင်းမှူး ဗိုလ်မှူးချုပ် မျိုးမင်းထွေးရဲ့ ဇနီးနဲ့ မိသားစုဝင်တွေကို စစ်တပ်က ဖမ်းဆီးထားတယ်လို့ နေပြည်တော် စစ်ဘက်သတင်းရင်းမြစ်က ပြောပါတယ်။
ကရင်ပြည်နယ်၊ မြ၀တီမြို့နယ်အတွင်းကနေ ထွက်ပြေးလာတဲ့ ကျားဖြန့်တရုတ်တွေနဲ့ နိုင်ငံခြားသား တွေဟာ ဘားအံ၊ ကျိုက်ထိုလမ်းကြောင်းကတစ်ဆင့် ရန်ကုန်ကိုတက်ဖို့ ကြိုးစားနေတယ်လို့ ကရင် စစ်ရေးသတင်းရင်းမြစ်နဲ့ ဒေသသတင်းရင်းမြစ်တွေက ရန်ကုန်ခေတ်သစ်ကိုပြောပါတယ်။
ပဲခူးတိုင်း၊ နတ်တလင်းမြို့နယ်က ဒမငယ်ရဲစခန်း၊ တောင်ညိုကွက်သစ်ရဲစခန်းအပါအဝင် အကြမ်းဖက် စစ်တပ် တပ်စွဲထားတဲ့နေရာတွေကို တပြိုင်တည်း ဝင်ရောက်တိုက်ခိုက်ပြီး မီးရှို့ရှင်းလင်းခဲ့တဲ့ သတင်းအပါအဝင် မနက်ခင်းသတင်းတွေကို တင်ဆက်ပေးပါမယ်။
