ဒီကနေ့ ဒီဇင်ဘာ ၂ ရက် နေ့လယ်ပိုင်း တင်ဆက်ပေးမယ့် သတင်းတွေကတော့
တနင်္သာရီတိုင်း၊ တနင်္သာရီမြို့နယ်၊ မောတောင်မှာ တော်လှန်ရေးတပ်တွေ သိမ်းပိုက်ခံရမှုနှင့် စစ်ရေးအရ အရှုံးများစွာ ကြုံနေရတာတွေကြောင့် ကမ်းရိုးတန်းတိုင်းမှူး ဗိုလ်ချုပ်ကျော်ကျော်ဟန်ကို နေပြည်တော် စစ်ရုံးက ပြင်းပြင်းထန်ထန် တရားဝင် သတိပေးခဲ့တယ်လို့ နေပြည် တော်စစ်ဘက်သတင်းရင်းမြစ်နှင့် CDM ဗိုလ်ကြီးဇင်ယော်က ရန်ကုန်ခေတ်သစ်ကိုပြောပါတယ်။
-ပဲခူးတိုင်း၊ သာယာ၀တီမြို့နယ်မှာ ခမရ ၃၅ တပ်ရင်းရဲ့ အထိုင်ဂိတ်စခန်းကို တော်လှန်ရေးပူးပေါင်းတပ်က တိုက်ခိုက်မီးရှို့ ရှင်းလင်းခဲာတာကြောင့် စစ်သား ၅ ဦးသေဆုံးပြီး လက်နက် ၂ လက်နှင့်ခဲယမ်းတွေ သိမ်းဆည်းရရှိခဲ့တယ်လို့ သာယာ၀တီခရိုင် တပ်ရင်း ၃၈၀၂ တပ်ခွဲ ၂ ရဲ့ ဗိုလ်တိမ်တိုက်က ရန်ကုန်ခေတ်သစ်ကိုပြောပါတယ်။
စစ်ကိုင်းတိုင်း၊ ဆားလင်းကြီးမြို့နယ်၊ ရေခါးရွာအနီး တိုက်ပွဲဖြစ်ပွားပြီး စစ်သား ၃ ဦးသေဆုံးကာ စစ်တပ်က အမျိုးသမီး ၁ ဦး အပါအဝင် ပြည်သူ ၁၂ ယောက်ကို ဖမ်းဆီးသွားတဲ့ သတင်းအပါအဝင် နေ့လယ်ပိုင်း သတင်းတွေကို တင်ဆက်ပေးပါမယ်။
